ബാങ്കോക്ക്: തായ്ലൻഡും കംബോഡിയയും (Thailand-Cambodia) മ്മിലുള്ള തർക്കമുള്ള അതിർത്തിയിൽ സംഘർഷം രൂക്ഷം. ചൊവ്വാഴ്ച ഇരു രാജ്യങ്ങളും തങ്ങളുടെ പരമാധികാരം സംരക്ഷിക്കുന്നതിൽ പിന്നോട്ട് പോകില്ലെന്ന് പ്രഖ്യാപിച്ചിരുന്നു. തിങ്കളാഴ്ച ആരംഭിച്ച ഏറ്റുമുട്ടലുകൾക്ക് പരസ്പരം പഴിചാരുന്നതിനാൽ, യുഎസ് പ്രസിഡൻ്റ് ഡൊണാൾഡ് ട്രംപ് ജൂലൈയിൽ ഉണ്ടാക്കിയ ദുർബലമായ വെടിനിർത്തൽ കരാർ സംരക്ഷിക്കാൻ കഴിയുമോ എന്ന ആശങ്ക ഉയർന്നിട്ടുണ്ട്.
കംബോഡിയൻ മുൻ നേതാവ് ഹുൻ സെൻ തൻ്റെ രാജ്യത്തിന് സമാധാനം വേണമെന്ന് പറഞ്ഞെങ്കിലും, പ്രദേശത്തെ പ്രതിരോധിക്കാൻ കൗണ്ടർ അറ്റാക്കുകൾക്ക് നിർബന്ധിതരാവുകയാണെന്ന് അറിയിച്ചു. വെടിനിർത്തൽ മാനിച്ച് 24 മണിക്കൂർ കാത്തിരുന്ന ശേഷമാണ് കംബോഡിയൻ സേന തിരിച്ചടി ആരംഭിച്ചത്.
അഞ്ച് അതിർത്തി പ്രവിശ്യകളിലാണ് ഏറ്റുമുട്ടൽ നടക്കുന്നതെന്ന് തായ് സൈനിക ഉദ്യോഗസ്ഥർ അറിയിച്ചു. കംബോഡിയൻ സൈനികരെ തുരത്താനുള്ള നാവികസേനയുടെ നേതൃത്വത്തിലുള്ള ഓപ്പറേഷൻ ഉടൻ അവസാനിക്കുമെന്ന് പ്രതീക്ഷിക്കുന്നു. കംബോഡിയൻ സൈന്യം പീരങ്കികളും റോക്കറ്റ് ലോഞ്ചറുകളും ബോംബ് വർഷിക്കുന്ന ഡ്രോണുകളും ഉപയോഗിക്കുന്നതായി തായ് പ്രതിരോധ മന്ത്രാലയം ആരോപിച്ചു.
കംബോഡിയൻ പ്രതിരോധ മന്ത്രാലയം, തിങ്കളാഴ്ച മുതൽ ഒമ്പത് സാധാരണക്കാർ കൊല്ലപ്പെടുകയും 20 പേർക്ക് ഗുരുതരമായി പരിക്കേൽക്കുകയും ചെയ്തതായി ആരോപിച്ചു. തായ് ഉദ്യോഗസ്ഥർ മൂന്ന് സൈനികർ കൊല്ലപ്പെടുകയും 29 പേർക്ക് പരിക്കേൽക്കുകയും ചെയ്തതായി പറഞ്ഞു.
ഇരു രാജ്യങ്ങളും അതിർത്തി പ്രദേശങ്ങളിൽ നിന്ന് ലക്ഷക്കണക്കിന് ആളുകളെ ഒഴിപ്പിച്ചു. കഴിഞ്ഞ മാസം ഒരു തായ് സൈനികന് കംബോഡിയ പുതിയതായി സ്ഥാപിച്ചെന്ന് തായ്ലൻഡ് ആരോപിക്കുന്ന ലാൻഡ്മൈൻ പൊട്ടി പരിക്കേറ്റതിനെത്തുടർന്ന്, തായ്ലൻഡ് സമാധാന ശ്രമങ്ങൾ നിർത്തിവച്ചതോടെയാണ് വീണ്ടും സംഘർഷം തുടങ്ങിയത്.
Fighting between Thailand and Cambodia escalated along their contested border on Tuesday, with both nations blaming the other for initiating the renewed clashes. Cambodia's former leader, Hun Sen, claimed his country was "compelled to counterattack" to defend its territory after honoring the ceasefire for 24 hours to allow for evacuations.