സപോരിഷിയ: യുക്രെയ്നിൻ്റെ തെക്ക് കിഴക്കൻ നഗരമായ സപോരിഷിയിൽ (Zaporizhzhia) റഷ്യൻ സൈന്യം ചൊവ്വാഴ്ച രാത്രി വൻ ഡ്രോൺ ആക്രമണം നടത്തി. ഇത് വൻ തീപിടിത്തത്തിന് കാരണമാവുകയും 12 പേർക്ക് പരിക്കേൽപ്പിക്കുകയും കെട്ടിടങ്ങൾക്കും വാഹനങ്ങൾക്കും കനത്ത നാശനഷ്ടമുണ്ടാക്കുകയും ചെയ്തു.
ഏഴ് അപ്പാർട്ട്മെന്റ് ബ്ലോക്കുകൾ, കടകൾ, മറ്റ് കെട്ടിടങ്ങൾ എന്നിവയ്ക്ക് കേടുപാടുകൾ സംഭവിച്ചതായി റീജിയണൽ ഗവർണർ ഇവാൻ ഫെഡോറോവ് ടെലിഗ്രാമിൽ കുറിച്ചു. ആക്രമണത്തിൽ പരിക്കേറ്റ പന്ത്രണ്ടുപേർ നിലവിൽ ചികിത്സയിലാണ്.
നഗരത്തിന്റെ 12 ഇടങ്ങളിലായി രക്ഷാപ്രവർത്തനം നടക്കുകയാണെന്നും സ്റ്റേറ്റ് എമർജൻസി സർവീസസ്, ദേശീയ പോലീസ്, മെഡിക്കൽ ടീമുകൾ എന്നിവയുടെ പരമാവധി യൂണിറ്റുകളെ വിന്യസിച്ചിട്ടുണ്ടെന്നും ഫെഡോറോവ് ഓൺലൈനിൽ പങ്കുവെച്ച വീഡിയോയിൽ പറഞ്ഞു. തീ നിയന്ത്രണത്തിലാക്കാനുള്ള ശ്രമങ്ങൾ തുടരുകയാണെന്ന് എമർജൻസി സർവീസസ് അറിയിച്ചു.
സപോരിഷ്യ മേഖലയുടെ വലിയൊരു ഭാഗം റഷ്യൻ സേനയുടെ നിയന്ത്രണത്തിലാണെങ്കിലും, സപോരിഷ്യ നഗരം യുക്രെയ്നിൻ്റെ നിയന്ത്രണത്തിൽ തുടരുകയാണ്. റഷ്യൻ നിയന്ത്രണത്തിലുള്ള സപോരിഷ്യ മേഖലയുടെ തലവൻ യെവ്ജെനി ബെലിറ്റ്സ്കി പറയുന്നതനുസരിച്ച്, യുക്രെയ്ൻ സേന റഷ്യൻ നിയന്ത്രണത്തിലുള്ള പ്രദേശങ്ങളിലെ പവർ ഗ്രിഡ് ഇൻഫ്രാസ്ട്രക്ചറിനെ ആക്രമിച്ചു, ഇത് കാരണം ഏകദേശം 40,000 ഉപഭോക്താക്കൾക്ക് വൈദ്യുതി നഷ്ടപ്പെട്ടു.
Russian forces conducted a mass drone attack on the southeastern Ukrainian city of Zaporizhzhia on Tuesday night, injuring 12 people and causing significant damage. Regional Governor Ivan Fedorov reported that the attack destroyed shops, damaged seven apartment blocks and other buildings, and smashed cars.