ബീജിംഗ്: ഹോങ്കോങ്ങിൽ ഉണ്ടായ തീപ്പിടുത്തത്തിൽ 128 പേർ മരിച്ചതിനെ തുടർന്ന് രാജ്യത്ത് സമാനമായ ദുരന്തങ്ങൾ ഒഴിവാക്കുന്നതിനായി ചൈന (China) രാജ്യവ്യാപകമായി ഉയർന്ന കെട്ടിടങ്ങളിലെ അഗ്നി സുരക്ഷാ മാനദണ്ഡങ്ങൾ പരിശോധിക്കാൻ തീരുമാനിച്ചു. കെട്ടിടങ്ങൾക്ക് പുറംചുമർ നവീകരണവും അകത്ത് രൂപമാറ്റങ്ങളും വരുത്തുന്ന കെട്ടിടങ്ങൾക്ക് പ്രത്യേക ശ്രദ്ധ നൽകണമെന്ന് അടിയന്തര മാനേജ്മെൻ്റ് മന്ത്രാലയം പ്രസ്താവനയിലൂടെ അറിയിച്ചു.
"ജനങ്ങളുടെ ജീവനും സ്വത്തിനും ഫലപ്രദമായ സംരക്ഷണം നൽകുന്നതിനായി ഉയർന്ന കെട്ടിടങ്ങളുടെ അഗ്നി സുരക്ഷാ മാനേജ്മെൻ്റ് സമഗ്രമായി ശക്തിപ്പെടുത്തണം," മന്ത്രാലയം ആവശ്യപ്പെട്ടു. രാജ്യവ്യാപകമായുള്ള ഈ പരിശോധനയ്ക്ക് തുടക്കമിട്ട് കൊണ്ട് സ്റ്റേറ്റ് കൗൺസിൽ വർക്ക് സേഫ്റ്റി കമ്മിറ്റി പ്രാദേശിക അധികാരികൾക്ക് നോട്ടീസ് നൽകിയിട്ടുണ്ട്. കെട്ടിടങ്ങളുടെ പുറംചുമർ ഇൻസുലേഷൻ സംവിധാനങ്ങളിൽ ഉപയോഗിക്കുന്ന തീ പിടിക്കുന്ന വസ്തുക്കൾ, നിരോധിക്കപ്പെട്ട നിർമ്മാണ സാമഗ്രികൾ, അഗ്നി സുരക്ഷാ ഉപകരണങ്ങൾ, അടിയന്തര ഒഴിപ്പിക്കൽ വഴികൾ എന്നിവ പരിശോധനയുടെ പ്രധാന നാല് മേഖലകളാണ്.
സുരക്ഷാ പ്രശ്നങ്ങൾ കണ്ടെത്തിയാൽ ഉടനടി തിരുത്തൽ നടപടികൾ സ്വീകരിക്കാൻ പ്രാദേശിക അധികാരികളോട് നിർദ്ദേശിച്ചിട്ടുണ്ട്. ഗുരുതരമായ നിയമലംഘനങ്ങൾക്ക് കർശനമായ ശിക്ഷാ നടപടികൾ സ്വീകരിക്കുമെന്നും പ്രധാന സുരക്ഷാ പ്രശ്നങ്ങൾ പരിഹരിക്കുന്നതിൽ പരാജയപ്പെടുന്നവർക്കെതിരെ നടപടിയുണ്ടാകുമെന്നും മന്ത്രാലയം കൂട്ടിച്ചേർത്തു. ഹോങ്കോങ്ങിൽ ഉണ്ടായ തീപ്പിടുത്തം ബുധനാഴ്ചയാണ് ആരംഭിച്ചത്. നവീകരണം നടന്നുകൊണ്ടിരുന്ന അപ്പാർട്ട്മെൻ്റ് സമുച്ചയത്തിലെ എട്ട് നിലകളുള്ള ഏഴ് ബ്ലോക്കുകളിലാണ് മുള കൊണ്ടുള്ള പന്തലും ഫോം ഇൻസുലേഷൻ വസ്തുക്കളും ഉപയോഗിച്ചുള്ള ജോലികൾക്കിടയിൽ തീ അതിവേഗം പടർന്നത്.
Following a devastating fire in Hong Kong that killed at least 128 people, China has launched a sweeping, nationwide inspection of fire-safety standards in all high-rise buildings to prevent similar disasters on the mainland.