സൗദിയിൽ കോവിഡ് വീണ്ടും പിടിമുറുക്കുന്നു; 1,002 പേർക്ക് കൂടി രോഗം
Jun 24, 2022, 09:55 IST
ജിദ്ദ: ഒരു ഇടവേളക്ക് ശേഷം സൗദിയിൽ കോവിഡ് പിടിമുറുക്കുന്നു. പുതുതായി 1,002 കോവിഡ് രോഗികളും 1,059 രോഗമുക്തിയും രാജ്യത്ത് റിപ്പോർട്ട് ചെയ്തു. ഇതോടെ ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 7,89,296 ഉം രോഗമുക്തരുടെ എണ്ണം 7,70,077 ഉം ആയി. ഒരു മരണവും പുതുതായി റിപ്പോർട്ട് ചെയ്തു. ഇതോടെ രാജ്യത്തെ ആകെ മരണം 9,195 ആയി. നിലവിൽ 10,024 പേർ രോഗം ബാധിച്ച് ചികിത്സയിലുണ്ട്. ഇവരിൽ 149 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗങ്ങളിൽ ചികിത്സയിൽ തുടരുന്നു.