ഗുവാമിലെ യുഎസ് താവളം തകർക്കുമെന്ന് ഉത്തരകൊറിയ
Aug 9, 2017, 11:29 IST
പ്യോഗ്യാംഗ്: ആണവപരീക്ഷണങ്ങള്‍ അവസാനിപ്പിച്ചില്ലെങ്കില്‍ ഉത്തരകൊറിയയെക്കെതിരെ ശക്തമായ നടപടി സ്വീകരിക്കുമെന്ന അമേരിക്കൻ പ്രസിഡന്‍റ് ഡോണൾഡ് ട്രംപിന്‍റെ മുന്നറിയിപ്പിന് അതേ നാണയത്തിൽ തിരിച്ചടിയുമായി ഉത്തരകൊറിയൻ ഭരണാധികാരി കിം ജോംഗ് ഉൻ. ഗുവാമിലെ അമേരിക്കൻ സൈനിക താവളം തകർക്കുമെന്ന് ഉൻ മുന്നറിയിപ്പ് നൽകി. പസഫിക് മേഖലയിലെ അമേരിക്കയുടെ ശക്തമായ സൈനിക താവളമാണ് ഗുവാം. അമേരിക്കൻ കര, വ്യോമ, നാവികസേനകളുടെ സാന്നിധ്യമുള്ള ദ്വീപ് ആക്രമിക്കുമെന്നും മധ്യദൂര ഹ്വസോങ്–12 മിസൈൽ പ്രയോഗിക്കുമെന്നുമാണ് ഉത്തര കൊറിയ ഭീഷണി മുഴക്കിയിരിക്കുന്നത്.
