കാബൂൾ സ്റ്റേഡിയത്തിനു പുറത്ത് ചാവേർ ആക്രമണം; ഒമ്പതു പേർ കൊല്ലപ്പെട്ടു
കാബൂൾ: അഫ്ഗാനിസ്ഥാൻ തലസ്ഥാനമായ കാബൂളിലെ ക്രിക്കറ്റ് സ്റ്റേഡിയത്തിനു പുറത്തുണ്ടായ ചാവേർ ബോംബ് ആക്രമണത്തിൽ മൂന്നു സുരക്ഷാ ഉദ്യോഗസ്ഥർ ഉള്പ്പെടെ ഒമ്പതുപേര് കൊല്ലപ്പെട്ടതായി റിപ്പോർട്ട്. സ്റ്റേഡിയത്തിൽ മത്സരം നടക്കുന്ന സമയമാണു പൊട്ടിത്തെറിയുണ്ടായത്. കളിക്കാരെല്ലാം സുരക്ഷിതരാണെന്ന് അധികൃതർ അറിയിച്ചു.
ആക്രമണത്തിൽ നിരവധി പേർക്കു പരിക്കേറ്റു. ഇവരുടെ കൃത്യമായ കണക്കുകൾ ലഭ്യമായിട്ടില്ല. പരിക്കേറ്റവരിൽ കൂടുതൽ പേർ സിവിലിയൻമാരാണെന്നാണു റിപ്പോർട്ട്. സ്റ്റേഡിയത്തിനു പുറത്ത് ആളുകൾ കൂടിനിന്ന സ്ഥലത്ത് ചാവേർ പൊട്ടിത്തെറിക്കുകയായിരുന്നെന്ന് ദൃക്സാക്ഷികൾ പറഞ്ഞു.