TIMESKERALA.COM
തക്കാളിയിൽ അടങ്ങിയിരിക്കുന്ന മാലിക്കിക് ആസിഡും, സിട്രിക് ആസിഡും അസിഡിറ്റി വർദ്ധിപ്പിക്കും. നെഞ്ചെരിച്ചിൽ ഉള്ളവരിലും 'ഗെർഡ്' (GERD) പോലുള്ള ദഹനപ്രശ്നങ്ങൾ ഉള്ളവരിലും തക്കാളി അമിതമായാൽ സ്ഥിതി കൂടുതൽ വഷളാകും.
തക്കാളി മിതമായി കഴിക്കുന്നത് ദഹനത്തിന് നല്ലതാണെങ്കിലും അമിതമായാൽ അത് വയറുവീക്കത്തിനും ഗ്യാസിനും വയറിളക്കത്തിനും കാരണമാകും. ഇതിൽ അടങ്ങിയിരിക്കുന്ന സാൽമൊണല്ല ബാക്ടീരിയയുടെ സാന്നിധ്യമാണ് ഇതിന് വഴിമാറുന്നത്.
തക്കാളിയിൽ ഓക്സലേറ്റ് (Oxalate) ഉയർന്ന അളവിൽ അടങ്ങിയിരിക്കുന്നതിനാൽ ഇത് വൃക്കയിൽ കല്ലുണ്ടാകാനുള്ള സാധ്യത കൂട്ടുന്നു. കൂടാതെ ഇതിലെ ഉയർന്ന പൊട്ടാസ്യം വൃക്കരോഗികൾക്ക് ഹാനികരമായതിനാൽ ഡോക്ടറുടെ നിർദ്ദേശപ്രകാരം മാത്രം കഴിക്കുക.
തക്കാളിയിലുള്ള 'സോളനൈൻ' എന്ന ആൽക്കലോയിഡും 'ഹിസ്റ്റമിനും' സന്ധികളിൽ വേദനയും ശരീരത്തിൽ നീരും ഉണ്ടാക്കാൻ കാരണമാകും. അതിനാൽ വാതരോഗമുള്ളവർ (Arthritis) തക്കാളിയുടെ ഉപയോഗം കുറയ്ക്കണം.
തക്കാളിയുടെ അസിഡിക് സ്വഭാവം മൂത്രാശയത്തെ (Bladder) അസ്വസ്ഥമാക്കാൻ സാധ്യതയുണ്ട്. നിങ്ങൾക്ക് ഇടയ്ക്കിടയ്ക്ക് മൂത്രാശയ അണുബാധ (UTI) ഉണ്ടാകാറുണ്ടെങ്കിൽ തക്കാളിയുടെ ഉപയോഗം പരിമിതപ്പെടുത്തണം.
ചില പഠനങ്ങൾ പ്രകാരം തക്കാളിയുടെ ഉപയോഗം മൈഗ്രെയിൻ തലവേദന വർദ്ധിപ്പിക്കാൻ കാരണമാകുമെന്ന് കണ്ടെത്തിയിട്ടുണ്ട്. ഭക്ഷണക്രമത്തിൽ വരുത്തുന്ന മാറ്റങ്ങളിലൂടെ മൈഗ്രെയിൻ ഒരു പരിധി വരെ നിയന്ത്രിക്കാനാകും.
തക്കാളിയിലുള്ള ഹിസ്റ്റമിൻ ചിലരിൽ അലർജി ഉണ്ടാക്കാറുണ്ട്. എക്സിമ, ചർമ്മത്തിൽ കുരുക്കൾ, തുമ്മൽ, തൊണ്ടവേദന, മുഖത്തോ നാക്കിലോ ഉണ്ടാകുന്ന വീക്കം, ശ്വാസതടസ്സം എന്നിവ ഇതിന്റെ ലക്ഷണങ്ങളാണ്.
പച്ച തക്കാളിയിൽ സോഡിയം വളരെ കുറവായതിനാൽ അത് ബിപി കൂട്ടാറില്ല. എന്നാൽ വിപണിയിൽ ലഭിക്കുന്ന റെഡിമേഡ് തക്കാളി സൂപ്പുകളിലും ക്യാനുകളിൽ വരുന്ന തക്കാളി പ്യൂരികളിലും സോഡിയം അമിതമായി ചേർക്കുന്നതിനാൽ ഇവ ബിപി കൂട്ടാൻ കാരണമാകും.
തക്കാളിയിലെ ലൈക്കോപീൻ (Lycopene) ക്യാൻസറിനെ ചെറുക്കാൻ നല്ലതാണെങ്കിലും, പ്രോസ്റ്റേറ്റ് ക്യാൻസർ ചികിത്സയിലുള്ളവർ ഇത് അമിതമായി കഴിക്കുന്നത് നല്ലതല്ലെന്ന് ചില പഠനങ്ങൾ വ്യക്തമാക്കുന്നു. അതിനാൽ മിതമായ അളവ് മാത്രം ശീലമാക്കുക.