കാനഡയിൽ ഹിജാബ് ധരിച്ച പെൺകുട്ടിയെ ആക്രമിക്കാൻ ശ്രമം
Jan 14, 2018, 10:24 IST
കാനഡയിൽ ഹിജാബ് ധരിച്ച 11 വയസുകാരിയെ ആക്രമിക്കാൻ ശ്രമം. കിഴക്കൻ ടൊറന്റോയിലെ പൗളീൻ ജോൺസൺ സ്കൂളിനു സമീപമായിരുന്നു സംഭവം. സഹോദരനൊപ്പം സ്കൂളിലേക്ക് നടന്നുപോകുന്നതിനിടെ അജ്ഞാതൻ ആക്രമിക്കുകയായിരുന്നു. പെൺകുട്ടിയുടെ ഹിജാബ് കത്രിക ഉപയോഗിച്ച് മുറിച്ചുമാറ്റാൻ ശ്രമിച്ച ശേഷം അക്രമി ഓടി രക്ഷപ്പെട്ടു.
20നും 30നും ഇടയിൽ പ്രായമുള്ള ഏഷ്യൻ വംശജനാണ് അക്രമിയെന്ന നിഗമനത്തിലാണ് പോലീസ്. അക്രമിയെ പിടികൂടാൻ ടൊറന്റോ പോലീസ് തെരച്ചിൽ ആരംഭിച്ചു.