ശോഭായാത്രയിൽ കുട്ടിയെ കെട്ടിയിട്ട സംഭവം; പോലീസ് കേസെടുത്തു
Sep 15, 2017, 21:47 IST
കണ്ണൂർ: പയ്യന്നൂരിൽ ശ്രീകൃഷ്ണജയന്തി ദിനത്തില് നടന്ന ശോഭായാത്രയിലെ നിശ്ചല ദൃശ്യത്തിൽ പിഞ്ചുകുഞ്ഞിനെ മണിക്കൂറുകളോളം കെട്ടിയിട്ട സംഭവത്തിൽ പോലീസ് സ്വമേധയാ കേസെടുത്തു. ബാലവകാശ നിയമപ്രകാരമാണ് കേസ്. നിശ്ചല ദൃശ്യത്തിൽ കുട്ടിയെ പ്രദർശിപ്പിച്ചവർക്കെതിരെയാണ് കേസെടുത്തത്.
നേരത്തെ സംഭവത്തിൽ സംസ്ഥാന ബാലാവകാശ കമ്മീഷനും കേസെടുത്തിരുന്നു. മൂന്നരവയസ് മാത്രം പ്രായമുള്ള കുഞ്ഞിനെ മണിക്കൂറുകളോളം വെയിലത്ത് കെട്ടിയിട്ടെന്നാണ് ആരോപണം.