മുംബൈയിൽ ട്രെയിനിൽ സ്ഫോടക വസ്തുക്കൾ
Jun 6, 2019, 11:08 IST
മുംബൈ: ഇന്ന് പുലര്‍ച്ചെ കൊല്‍ക്കത്തയില്‍ നിന്നും 7.30 ന് കുർയിലെള റെയിൽവെ സ്റ്റേഷനിലെത്തിയ ഷാലിമാർ എക്‌സ്പ്രസിൽ സ്ഫോടക വസ്തുക്കൾ കണ്ടെത്തി. ട്രെയിനിന്റെ യാത്ര അവസാനിച്ച ശേഷം റെയില്‍വേ ജീവനക്കാർ വൃത്തിയാക്കാൻ കയറിയപ്പോഴാണ് ട്രയിനില കോച്ചിനുള്ളില്‍ സ്ഫോടകവസ്തുക്കൾ കണ്ടെത്തിയത്. വയറുമായി സ്ഫോടകവസ്തുക്കൾ ബന്ധിപ്പിച്ചിരുന്നുവെങ്കിലും ഇതിൽ ഡിറ്റൊണേറ്റർ ഇല്ലായിരുന്നു. ഉണ്ടായിരുന്നു എങ്കില്‍ ഒരുപക്ഷെ തീ പിടിക്കുകയും പൊട്ടിത്തെറിച്ചേനെ എന്നും പോലീസ് ഉദ്യോഗസ്ഥർ പറഞ്ഞു. ബോക്സിനകത്ത് അടച്ചുവച്ച നിലയിലായിരുന്നു സ്ഫോടക വസ്തുകൾ.ട്രെയിനില്‍ ഒരു കോച്ചിനടിയിൽ ബോക്സിനകത്ത് അടച്ചുവെച്ച നിലയിലായിരുന്നു ബോംബ്. “നമുക്ക് എന്ത് ചെയ്യാൻ സാധിക്കും എന്ന് ബിജെപിക്ക് കാണിച്ചുകൊടുക്കണം” എന്ന് എഴുതിയിട്ടുള്ള കുറിപ്പും ഇതോടൊപ്പം ഉണ്ടായിരുന്നു.
