പാർവതിയുടെ പരാതിയിൽ വീണ്ടും അറസ്റ്റ്; കൊല്ലം സ്വദേശി പിടിയിൽ
Dec 29, 2017, 11:59 IST
കൊച്ചി: നടി പാർവതിക്കു നേരെയുള്ള സൈബർ അധിക്ഷേപങ്ങളിൽ ഒരാളെകൂടി പോലീസ് അറസ്റ്റ് ചെയ്തു. കൊല്ലം സ്വദേശി റോജനെയാണ് പോലീസ് അറസ്റ്റ് ചെയ്തത്. കേസ് അന്വേഷിക്കുന്ന എറണാകുളം സൗത്ത് സിഐ സിബി ടോമിന്റെ നേതൃത്വത്തിലുള്ള സംഘം കൊല്ലത്തെത്തി റോജനെ കസ്റ്റഡിയിലെടുക്കുകയായിരുന്നു. പാർവതിയെ ബലാത്സംഗം ചെയ്യുമെന്നു ഭീഷണി മുഴക്കി ഇയാൾ ഇൻസ്റ്റഗ്രാമിൽ സന്ദേശമയച്ചിരുന്നു. ഇത് ചൂണ്ടിക്കാട്ടി പാർവതി നൽകിയ പരാതിയിലാണ് പോലീസ് നടപടി. നഗരത്തിലെ സ്വകാര്യ കോളജിൽ വിദ്യാർഥിയാണ് റോജൻ. ഇയാളെ പിന്നീട് കൊച്ചിയിലേക്കു കൊണ്ടുപോയി.