ട്രെയിനിൽ പെൺകുട്ടിയെ പീഡിപ്പിച്ച ജവാൻമാർ അറസ്റ്റിൽ
Dec 1, 2017, 17:57 IST
ഇറ്റാവ: ഉത്തർപ്രദേശിൽ ട്രെയിനിൽ പെൺകുട്ടിയെ പീഡിപ്പിച്ച രണ്ടു ജവാൻമാർ അറസ്റ്റിലായി. അമിത് കുമാർ റായ്, തപേഷ് കുമാർ എന്നിവരാണ് അറസ്റ്റിലായത്. വ്യാഴാഴ്ച മഗാധ് എക്സ്പ്രസിലായിരുന്നു സംഭവം.
അലഹബാദിൽനിന്നും ഡൽഹിയിലേക്കു വരികയായിരുന്ന പെൺകുട്ടി എസ്-8 ലായിരുന്നു യാത്ര ചെയ്തത്. ഇതേ കമ്പാർട്ടുമെന്റിലെ യാത്രക്കാരായ അമിതും തപേഷും പെൺകുട്ടിയെ പീഡിപ്പിക്കാൻ ശ്രമിക്കുകയായിരുന്നു. എന്നാൽ പീഡനശ്രമം ചെറുത്തതോടെ പെൺകുട്ടിയെ ഇവർ മർദിക്കുകയും ചെയ്തു. പെൺകുട്ടി ബഹളംവച്ചതിനെ തുടർന്ന് സഹയാത്രക്കാർ രക്ഷയ്ക്കെത്തുകയായിരുന്നു.