ജൂലിയന് അസാഞ്ചസിന്റെ ട്വിറ്റർ അക്കൗണ്ട് അപ്രത്യക്ഷമായി
ലണ്ടൻ: വിക്കിലീക്സ് സ്ഥാപകന് ജൂലിയന് അസാഞ്ചസിന്റെ ട്വിറ്റർ അക്കൗണ്ട് ദുരൂഹ സാഹചര്യത്തിൽ അപ്രത്യക്ഷമായി. ക്രിസ്മസ് രാത്രിയിലാണ് അസാഞ്ചസിന്റെ അക്കൗണ്ട് മുന്നറിയിപ്പുപോലും നൽകാതെ ഡിലീറ്റ് ചെയ്യപ്പെട്ടത്. തിങ്കളാഴ്ച പേജ് ലഭ്യമല്ലെന്ന സന്ദേശമാണ് കാണാൻ കഴിഞ്ഞത്. കഴിഞ്ഞ 22 നാണ് അസാഞ്ചസ് അവസാനമായി ട്വീറ്റ് ചെയ്തത്. ഡിസംബർ 25 ന് രാത്രി 12 നും പുലർച്ചെ ഒന്നിനും ഇടയിലാണ് അക്കൗണ്ട് ഡിലീറ്റ് ചെയ്യപ്പെട്ടത്.
തന്റെ ഔദ്യോഗിക ട്വിറ്റർ അക്കൗന്റണ്ട് നഷ്ടപ്പെട്ടതായി മറ്റൊരു ട്വിറ്റർ അക്കൗണ്ടിലൂടെ അസാഞ്ചസ് സ്ഥിരീകരിച്ചു. കാരണം കൂടാതെയാണ് ട്വിറ്റർ അധികൃതർ പേജ് നീക്കം ചെയ്തത്. ഇക്കാര്യം സംബന്ധിച്ച് അവർ വിശദീകരണം നൽകിയില്ലെന്നും അസാഞ്ചസ് പറഞ്ഞു.