മൊഫിയയുടെ ആത്മഹത്യ; സി.ഐ സുധീറിന് സസ്പെന്ഷന്
Nov 26, 2021, 12:45 IST
കൊച്ചി: നിയമ വിദ്യാര്ഥിനി മൊഫിയ ആത്മഹത്യ ചെയ്ത സംഭവത്തിൽ ആരോപണ വിധേയനായ ആലുവ ഈസ്റ്റ് സി.ഐ സുധീറിറിനെ സസ്പെൻഡ് ചെയ്തു. മുഖ്യമന്ത്രി പിണറായി വിജയന് മൊഫിയയുടെ മാതാപിതാക്കളെ ഫോണില് വിളിച്ച് സംസാരിച്ചതിന് പിന്നാലെയാണ് സസ്പെൻഷൻ ഉത്തരവ് പുറത്തിറങ്ങിയത് നടപടി. ന്നേരത്തെ സിഐക്കെതിരെ നടപടി ഉണ്ടാകുമെന്ന് മുഖ്യമന്ത്രി ഉറപ്പ് നല്കിയതായി മൊഫിയയുടെ പിതാവ് പറഞ്ഞിരുന്നു. സംസ്ഥാന സര്ക്കാരിന്റെ നിര്ദേശ പ്രകാരം ഡിജിപിയാണ് സുധീറിനെ സസ്പെന്ഡ് ചെയ്യാനുള്ള ഉത്തരവിറക്കിയത്. സുധീറിന്റെ നടപടികളില് അന്വേഷണവും പ്രഖ്യാപിച്ചിട്ടുണ്ട്. കൊച്ചി സിറ്റി ഈസ്റ്റ് ട്രാഫിക് അസി.കമ്മീഷണര്ക്കാണ് അന്വേഷണ ചുമതല.