അന്താരാഷ്ട്ര വിമാന സർവീസുകൾ ഡിസംബർ അവസാനത്തോടെ
Nov 24, 2021, 18:11 IST
ന്യൂഡൽഹി: കോവിഡ് വ്യാപനത്തിന്റെ പശ്ചാത്തലത്തിൽ നിർത്തിവച്ചിരുന്ന അന്താരാഷ്ട്ര വിമാന സർവീസുകൾ ഡിസംബർ അവസാനത്തോടെ സാധാരണ നിലയിലാകുമെന്ന് പ്രതീക്ഷിക്കുന്നതായി വ്യോമയാന മന്ത്രാലയം സെക്രട്ടറി രാജീവ് ബൻസാൽ അറിയിച്ചു. കോവിഡിന്റെ പശ്ചാത്തലത്തിൽ 2020 മാർച്ച് വരെ ഇന്ത്യയിലേക്കും പുറത്തേക്കുമുള്ള അന്താരാഷ്ട്ര യാത്രാ വിമാന സർവീസുകൾ നിർത്തിവച്ചിരുന്നു. ഇത് പിന്നീട് നവംബർ 30 വരെ നീട്ടിയിരുന്നു. നിലവിൽ, 25-ലധികം രാജ്യങ്ങളിലേക്ക് എയർ ബബിൾ ക്രമീകരണങ്ങളോടെ ഇന്ത്യ സർവീസ് നടത്തുന്നുണ്ട്.