നിയമസഭ കൈയ്യാങ്കളി കേസിൽ സർക്കാറിന് കനത്ത തിരിച്ചടി; വിടുതൽ ഹർജി തള്ളി, പ്രതികൾ വിചാരണ നേരിടണം
Oct 13, 2021, 11:46 IST
തിരുവനന്തപുരം: നിയമസഭ കൈയ്യാങ്കളി കേസിൽ സർക്കാറിന് വൻ തിരിച്ചടി. സർക്കാർ സമർപ്പിച്ച വിടുതൽ ഹർജികൾ തിരുവനന്തപുരം ചീഫ് ജുഡീഷ്യൽ മജിസ്ട്രേറ്റ് കോടതി തള്ളി. വിദ്യാഭ്യാസ മന്ത്രി ശിവൻകുട്ടി, ഇ.പി ജയരാജൻ, കെ.ടി ജലീൽ എം.എൽ.എ അടക്കമുള്ള ആറുപ്രതികളും നവംബർ 22ന് ഹാജരാകണമെന്ന് കോടതി പറഞ്ഞു. നിയമസഭാ കൈയാങ്കളിക്കേസ് പിൻവലിക്കാനുള്ള സർക്കാർ തീരുമാനം കേരള ഹൈകോടതി തള്ളിയതിനെതിരെ സംസ്ഥാന സർക്കാർ സുപ്രീംകോടതിയിൽ അപ്പീൽ നൽകിയെങ്കിലും അവിടെയും തിരിച്ചടി നേരിട്ടിരുന്നു.