യൂത്ത് കോൺഗ്രസ് നേതാവിൻ്റെ വീട്ടിൽ നിന്ന് കഞ്ചാവ് പിടിച്ചു; പത്തനംതിട്ടയിലെ പരിപാടിയിൽ പങ്കെടുക്കാതെ  രമേശ് ചെന്നിത്തല

 

യൂത്ത് കോൺഗ്രസ് സംസ്ഥാന ജനറൽ സെക്രട്ടറിയുടെ വീട്ടിൽ നിന്ന് കഞ്ചാവ് പിടിച്ച സംഭവത്തിൽ പത്തനംതിട്ടയിലെ പരിപാടിയിൽ നിന്ന് വിട്ടുനിന്ന് രമേശ് ചെന്നിത്തല. ചെന്നിത്തലയുടെ ജില്ലയിലെ വിശ്വസ്തനായ യൂത്ത് കോൺഗ്രസ് സംസ്ഥാന സെക്രട്ടറി നഹാസിന്റെ വീട്ടിൽ നിന്നാണ് കഴിഞ്ഞ ദിവസം കഞ്ചാവ് പിടിച്ചത്. സംഭവത്തെ തുടർന്ന് നഹാസ് നേതൃത്വം നൽകുന്ന ശബരിമല ഹെൽപ് ഡസ്കിന്റെ ഉദ്ഘാടനം ചെന്നിത്തല ഒഴിവാക്കുകയായിരുന്നു.

ഹരിപ്പാട് ഒഴിവാക്കാനാകാത്ത പരിപാടികൾ ഉള്ളതിനാലാണ് പത്തനംതിട്ടയിലെ പരിപാടി മാറ്റിവെച്ചതെന്നാണ് കോൺഗ്രസ് നൽകുന്ന വിശദീകരണം. എന്നാൽ തിരുവല്ലയിലെ പരിപാടി രമേശ് ചെന്നിത്തല തന്നെ ഉദ്ഘാടനം ചെയ്യും.