ദത്ത് വിവാദം: നടന്നത് കുട്ടിക്കടത്ത്, ഷിജു ഖാനെതിരെ നടപടിയില്ലാതെ സമരം അവസാനിപ്പിക്കില്ലെന്ന് അനുപമ
Nov 21, 2021, 10:23 IST
തിരുവനന്തപുരം: ദത്ത് വിവാദത്തിൽ ഷിജു ഖാനെതിരെ നടപടി വേണമെന്ന് അനുപമ. ലൈസന്സില്ലാത്ത ശിശുക്ഷേമ സമിതി നടത്തിയത് കുട്ടിക്കടത്താണെന്ന് അനുപമ പറഞ്ഞു. സർക്കാർ സംവിധാനം മറയാക്കി തന്റെ കുഞ്ഞിനെ കടത്തുകയായിരുന്നെന്നും അനുപമ ആരോപിച്ചു.ശിശുക്ഷേമ സമിതിയുടെ ഭാഗത്ത് നിന്ന് ഉണ്ടായത് ക്രൂരതയാണ്. ഷിജു ഖാനെ സഹായിച്ച ശിശുക്ഷേമസമിതി ഉദ്യോഗസ്ഥർക്കെതിരെയും നടപടി വേണം. ഷിജു ഖാനെതിരെ നടപടി സ്വീകരിക്കാതെ സമരം അവസാനിപ്പിക്കില്ലെന്ന് അനുപമ വ്യക്തമാക്കി. ആന്ധ്രയിലെ ദമ്പതികളെയും ശിശുക്ഷേമസമിതി അധികൃതർ വഞ്ചിക്കുകയായിരുന്നെന്നും അനുപമ പറഞ്ഞു.