നെടുമ്പാശേരിയിൽ വീണ്ടും വൻ സ്വർണവേട്ട; 4.24 കിലോ സ്വര്‍ണം പിടികൂടി
Updated: Nov 22, 2021, 08:42 IST
കൊച്ചി: നെടുമ്പാശേരി അന്താരാഷ്ട്ര വിമാനത്താവളത്തില്‍ വീണ്ടും വൻ സ്വർണവേട്ട. 2.13 കോടി വിലമതിക്കുന്ന 4.24 കിലോഗ്രാം സ്വര്‍ണം പിടികൂടി സ്വര്‍ണമാണ് ഡിആര്‍ഐ പിടികൂടിയത്. സംഭവത്തില്‍ രണ്ട് യാത്രക്കാരെ അറസ്റ്റു ചെയ്തു. മണിവാസന്‍, ബക്കറുദ്ദീന്‍ ഹുസൈന്‍ എന്നിവരാണ് പിടിയിലായത്. ഇന്ന് രാവിലെ ഷാര്‍ജയില്‍ നിന്നെത്തിയ എയര്‍ അറേബ്യ വിമാനത്തിലാണ് സ്വര്‍ണം കടത്തിക്കൊണ്ടുവന്നത്. മണിവാസന്‍, ബക്കറുദ്ദീന്‍ ഹുസൈന്‍ എന്നിവര്‍ ധരിച്ചിരുന്ന ജീന്‍സിന്‍റെയും അടിവസ്ത്രത്തിന്‍റെയും ഉള്ളില്‍ പ്രത്യേകം അറകളുണ്ടാക്കിയാണ് സ്വര്‍ണം ഒളിപ്പിച്ചിരുന്നത്.