വീണ്ടും കൂട്ടി.! ഇന്ന് വർധിപ്പിച്ചത് ഡീസലിന് 37 പൈസയും പെട്രോളിന് 35 പൈസയും
Oct 14, 2021, 09:09 IST
കൊച്ചി:ഇന്ധനവില ഇന്നും കൂട്ടി. ഡീസലിന് 37 പൈസയും പെട്രോളിന് 35 പൈസയുമാണ് ഇന്ന് വർധിപ്പിച്ചത്. കഴിഞ്ഞ 19 ദിവസം കൊണ്ട് ഡീസലിന് 5.13 രൂപയും പെട്രോളിന് 3.44 രൂപയും വർധിച്ചു. ഇതോടെ കൊച്ചിയിൽ പെട്രോൾ ലിറ്ററിന് 105.10 രൂപയും ഡീസലിന് 98.74 രൂപയുമായി. തിരുവനന്തപുരത്ത് പെട്രോളിന് 107.05 രൂപയും ഡീസലിന് 100.57 രൂപയുമാണ് വില. കോഴിക്കോട് പെട്രോളിന് 105.26 രൂപയും ഡീസലിന് 98.93 രൂപയുമാണ്.