എൻഐഎ ഉദ്യോഗസ്ഥരുടെയും ഓഫീസുകളുടെയും സുരക്ഷ ഉറപ്പാക്കാനും ആഭ്യന്തരമന്ത്രി; ഉന്നതതല യോഗം ചേർന്ന് അമിത് ഷാ

amith sha
 ഡൽഹി: ദേശീയ അന്വേഷണ ഏജൻസി രാജ്യത്തെ പല സംസ്ഥാനങ്ങളിലും പോപ്പുലർ ഫ്രണ്ട് ഓഫ് ഇന്ത്യയുടെ സ്ഥാപനങ്ങളിൽ റെയ്ഡ് നടത്തുന്നതുമായി  ബന്ധപ്പെട്ട് കേന്ദ്ര ആഭ്യന്തര മന്ത്രി അമിത് ഷാ വ്യാഴാഴ്ച ഉന്നത തല യോഗം ചേർന്ന് മുഴുവൻ കാര്യങ്ങളും ചോദിച്ചറിഞ്ഞു. അന്വേഷണ ഏജൻസികളുമായി ബന്ധപ്പെട്ട മുതിർന്ന ഉദ്യോഗസ്ഥരുമായി അമിത് ഷാ കൂടിക്കാഴ്ച നടത്തി.

ദേശീയ സുരക്ഷാ ഉപദേഷ്ടാവ് അജിത് ഡോവൽ, ആഭ്യന്തര സെക്രട്ടറി അജയ് കുമാർ ഭല്ല, എൻഐഎ ഡിജി എന്നിവരും യോഗത്തിൽ പങ്കെടുത്തിരുന്നു. റെയ്ഡിന്റെ മുഴുവൻ വിവരങ്ങളും അമിത് ഷാ ശേഖരിച്ചു. ഇതിന് പുറമെ എൻഐഎ ഉദ്യോഗസ്ഥരുടെയും ഓഫീസുകളുടെയും സുരക്ഷ ഉറപ്പാക്കാനും ആഭ്യന്തരമന്ത്രി ആവശ്യപ്പെട്ടു. വിവരം അനുസരിച്ച് ഓഗസ്റ്റ് 29 ന് അമിത് ഷാ അന്വേഷണ ഏജൻസികളിലെ ഉന്നത ഉദ്യോഗസ്ഥരുമായി ഒരു സുപ്രധാന കൂടിക്കാഴ്ച നടത്തിയിരുന്നു.

അതിൽ പിഎഫ്‌ഐക്കെതിരെ ഏകോപിപ്പിച്ച് വലിയ നടപടിയെടുക്കാൻ വിവിധ ഏജൻസികൾക്ക് നിർദ്ദേശം നൽകിയതിനെ തുടർന്ന് രാത്രി വൈകി NIA യുടെ നേതൃത്വത്തിലുള്ള ഏജൻസികൾ വ്യാഴാഴ്ച രാവിലെ 12 സംസ്ഥാനങ്ങളിൽ ഒരേസമയം റെയ്ഡ് നടത്തി പിഎഫ്ഐയുടെ 106 പേരെ അറസ്റ്റ് ചെയ്തിട്ടുണ്ട്. എക്കാലത്തെയും വലിയ അന്വേഷണ ഓപ്പറേഷൻ എന്നാണ് എൻഐഎ ഇതിനെ വിശേഷിപ്പിച്ചത്.
 

Share this story