ഹിമാചലിൽ റഷ്യൻ ദമ്പതികളുടെ നഗ്നമായ മൃതദേഹം; അന്വേഷണം ആരംഭിച്ചു 
 

ഹിമാചൽ പ്രദേശിലെ കുളുവിൽ റഷ്യൻ ദമ്പതികളുടെ മൃതദേഹം നഗ്നമാക്കിയ നിലയിൽ കണ്ടെത്തി. വ്യാഴാഴ്ച മണികരനിലെ കുളത്തില്‍ നിന്ന് മൃതദേഹങ്ങള്‍ കണ്ടെത്തിയത്. ഇരുവരെയും ഇതുവരെ തിരിച്ചറിയാൻ കഴിഞ്ഞിട്ടില്ല. കുളത്തിന് സമീപത്തുനിന്ന് കണ്ടെത്തിയ ബാഗുകളിലെ വസ്തുക്കളിൽ നിന്നാണ് ഇരുവരും റഷ്യൻ സ്വദേശികളാണെന്ന് തിരിച്ചറിയാൻ കഴിഞ്ഞത്. യുവാവിന്റെ മൃതദേഹം കുളത്തിന്റെ കരയില്‍ നിന്നും യുവതിയുടേത് കുളത്തില്‍ നിന്നുമാണ് ലഭിച്ചത്. ഇരുവരുടെയും കൈകളിൽ മുറിപ്പാടുകളുണ്ട്.

മൃതദേഹങ്ങൾ പോസ്റ്റുമോർട്ടത്തിനായി കുളുവിലെ ആശുപത്രിയിലേക്കയച്ചു. പോസ്റ്റുമോർട്ടം റിപ്പോർട്ട് കിട്ടിയ ശേഷം മാത്രമേ മരണകാരണം അറിയാൻ കഴിയു എന്ന് എഎസ്പി സഞ്ജീവ് ചൗഹാന്‍ പറഞ്ഞു. ഇവരെക്കുറിച്ചുള്ള കൂടുതൽ വിവരങ്ങൾ അറിയാൻ സ്ഥലത്തെ ഹോം സ്റ്റേകളും ഹോട്ടലുകളും പരിശോധിച്ചുവരികയാണെന്നും അദ്ദേഹം അറിയിച്ചു.