"മഹാത്മാ ഗാന്ധി ഇന്ത്യയുടെ രാഷ്ട്രപിതാവ് അല്ല': വിവാദ പരാമർശവുമായി സവർക്കറുടെ ചെറുമകൻ
Oct 13, 2021, 21:02 IST
ഹൈദരാബാദ്: മഹാത്മാഗാന്ധി ഇന്ത്യയുടെ രാഷ്‌ട്രപിതാവല്ലെന്ന വിവാദ പരാമർശവുമായി സവർക്കറുടെ ചെറുമകൻ രഞ്ജിത്ത് സവർക്കർ. മഹാത്മാഗാന്ധിയെ രാഷ്‌ട്രപിതാവായി താൻ കണുന്നില്ലെന്നും, ഇന്ത്യപോലൊരു രാജ്യത്തിന് ഒരു രാഷ്ട്രപിതാവ് മാത്രമല്ല ഉണ്ടാകേണ്ടത്. വിസ്‌മരിക്കപ്പെട്ട ആയിരങ്ങളുണ്ടെന്നും രഞ്ജിത്ത് സവർക്കർ പറയുന്നു.ഇന്ത്യാ മഹാരാജ്യത്തിന് അമ്പത് വർഷത്തെ പഴക്കമല്ല അഞ്ഞൂറ് വർഷത്തെ പഴക്കമുണ്ടെന്നും വാർത്താ ഏജൻസിയായ എഎൻഐയോട് രഞ്ജിത് സവർക്കർ വ്യക്തമാക്കി. സവർക്കർ ബ്രിട്ടീഷുകാരോട് മാപ്പ് പറഞ്ഞത് ഗാന്ധിജി പറഞ്ഞിട്ടാണെന്ന കേന്ദ്രമന്ത്രി രാജ്നാഥ് സിംഗിന്‍റെ പ്രസ്താവന വിവാദമായതിന് പിന്നാലെയാണ് രഞ്ജിതിന്‍റെ പ്രതികരണം.