Times Kerala

 ഇന്ത്യ തന്ത്രപ്രധാന പങ്കാളിയായി തുടരും; മോദിയുടെ റഷ്യൻ സന്ദർശനത്തിൽ പ്രതികരിച്ച് യു.എസ്

 
ഇന്ത്യ തന്ത്രപ്രധാന പങ്കാളിയായി തുടരും; മോദിയുടെ റഷ്യൻ സന്ദർശനത്തിൽ പ്രതികരിച്ച് യു.എസ്
 വാഷിങ്ടൻ: പ്രധാനമന്ത്രിയുടെ റഷ്യൻ സന്ദർശനത്തിനിടയിലും ഇന്ത്യ യു.എസിന്റെ തന്ത്രപ്രധാന പങ്കാളിയായി തുടരുമെന്ന് യു.എസ്.  “ഇന്ത്യയും റഷ്യയും തമ്മിൽ ദീർഘകാലത്തെ ബന്ധമുണ്ട്. ഇന്ത്യയുമായി ഞങ്ങൾ ചർച്ചകളിൽ ഏർപ്പെടുമ്പോഴും അവർ റഷ്യയുമായുള്ള ബന്ധം സൂക്ഷിച്ചിരുന്നു. എന്നാൽ ഇത് ഇന്ത്യ-യു.എസ് ബന്ധത്തെ ഒരിക്കലും ബാധിച്ചിട്ടില്ല” -പെന്റഗൺ പ്രസ് സെക്രട്ടറി മേജർ ജനറൽ പാറ്റ് റൈഡർ പറഞ്ഞു. റഷ്യയുമായി ഇന്ത്യക്കുള്ള ബന്ധത്തെ കുറിച്ച് വ്യക്തമായ ധാരണയുണ്ടെന്ന് സ്റ്റേറ്റ് ഡിപാർട്ട്മെന്റ് വക്താവ് മാത്യു മില്ലർ പ്രതികരിച്ചു. റഷ്യയുമായുള്ള ഇന്ത്യയുടെ ബന്ധത്തെയും പ്രധാനമന്ത്രി മോദിയുടെ മോസ്കോ സന്ദർശനത്തെയും കുറിച്ചുള്ള ചോദ്യങ്ങളോട് പ്രതികരിക്കവെ യു.എസ് വക്താക്കളാണ് ഇക്കാര്യം പറഞ്ഞത്. യുക്രെയ്ൻ യുദ്ധത്തിന്റെ പശ്ചാത്തലത്തിൽ പ്രധാനമന്ത്രി റഷ്യയിലെത്തിയത് യു.എസുമായുള്ള ബന്ധത്തിൽ വിള്ളൽ വീഴ്ത്തുമെന്ന നിരീക്ഷണങ്ങൾക്കിടെയാണ് യു.എസിന്റെ പ്രതികരണം. 

Related Topics

Share this story