9 ദിവസത്തിനിടെ ഇന്ത്യക്കാർ ഓണ്‍ലൈനില്‍ വാങ്ങിക്കൂട്ടിയത് 32,000 കോടി രൂപയുടെ സാധനങ്ങൾ.!!
Oct 14, 2021, 20:24 IST
ഡൽഹി: കോവിഡ് പ്രതിസന്ധിക്കിടയിലും ഉത്സവ സീസൺ വില്പനയിൽ നേട്ടം കൊയ്ത് ഇന്ത്യയിലെ ഇ-കൊമേഴ്സ് കമ്പനികൾ. സാമ്പത്തിക പ്രതിസന്ധിക്കിടയിലും 9 ദിവസത്തിനിടെ വിവിധ ഇ-കൊമേഴ്സ് വെബ്സൈറ്റുകളിൽ നിന്നായി ഇന്ത്യയിൽ 32,000 കോടിയുടെ വിൽപ്പനയാണ് നടന്നിരിക്കുന്നത്. ആമസോൺ ഫ്ലിപ്കാർട്ട് എന്നിവരാണ് മുൻപന്തിയിൽ. ഉത്സവ സീസൺ വിറ്റഴിക്കൽ ഏറ്റവും കൂടുതൽ വിൽപ്പന നടന്നിരിക്കുന്നത് സ്മാർട്ട്ഫോൺ, ഫാഷൻ എന്നീ വിഭാഗത്തിൽ ആണ്. കഴിഞ്ഞ വർഷത്തേക്കാൾ 23 ശതമാനത്തിന്റെ മുന്നേറ്റവും ഈ വർഷം പ്രകടമാണ്. ഉപഭോക്താക്കൾ വാങ്ങിയ ഇലക്ട്രോണിക് വസ്തുക്കളിൽ പകുതിയും വർക്ക് ഫ്രം ഹോം വിഭാഗത്തിൽ ഉപയോഗിക്കാൻ സാധ്യതയുള്ളവായണെന്നും കണക്കുകൾ പറയുന്നു.സാധാരണ വിപണി വൻ പ്രതിസന്ധി നേരിടുന്ന സമയത്തും ഓൺലൈൻ കച്ചവടം പൊടിപൊടിക്കുകയാണ്.