ജി20 ഉച്ചകോടി; ഇന്ത്യയുടെ വിജയകരമായ സംഘാടനത്തെ പ്രശംസിച്ച് അന്റോണിയോ ഗുട്ടെറസ്
 

ന്യൂഡൽഹി: ജി20 ഉച്ചകോടിയിൽ രാജ്യത്തിൻറെ വിജയകരമായ സംഘാടനത്തെ പ്രശംസിച്ച് യുഎന്‍ സെക്രട്ടറി ജനറല്‍ അന്റോണിയോ ഗുട്ടെറസ്. ഇന്ത്യയെ പ്രശംസിക്കുന്നതിനിടയില്‍ അദ്ദേഹം മഹാത്മാഗാന്ധിയെ അനുസ്മരിക്കുകയും ഗാന്ധിജിയുടെ മാതൃക ആരും മറക്കരുതെന്നും വ്യക്തമാക്കി. ജി 20 ഉച്ചകോടിക്കായി താന്‍ ഇന്ത്യയില്‍ പോയിട്ടുണ്ടെന്നും ഗാന്ധിജിക്ക് ആദരാഞ്ജലികള്‍ അര്‍പ്പിച്ചുവെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്ര മോദിയുടെ ശ്രമങ്ങളെ അഭിനന്ദിക്കുകയും ചെയ്തു.

സെപ്തംബർ 9, 10 തീയതികളിൽ ഇന്ത്യൻ പ്രസിഡന്റിന്റെ കീഴിൽ നടന്ന ജി 20 നേതാക്കളുടെ ഉച്ചകോടിയിൽ പങ്കെടുക്കാനാണ് ഗുട്ടെറസ് ഡൽഹിയിൽ എത്തിയത്. യുഎസ് പ്രസിഡന്റ് ജോ ബൈഡൻ, ഫ്രഞ്ച് പ്രസിഡന്റ് ഇമ്മാനുവൽ മാക്രോൺ, സൗദി അറേബ്യ കിരീടാവകാശി മുഹമ്മദ് ബിൻ സൽമാൻ, യു.കെ പ്രധാനമന്ത്രി ഋഷി സുനാക്, ബ്രസീൽ പ്രസിഡന്റ് ലൂയിസ് ഇനാസിയോ ലുല ഡ സിൽവ, റഷ്യൻ വിദേശകാര്യ മന്ത്രി സെർജി ലാവ്‌റോവ് എന്നി ലോകനേതാക്കളും ഉച്ചകോടിയിൽ പങ്കെടുത്തിരുന്നു. ഉച്ചകോടിയുടെ രണ്ടാം ദിവസം, ബിഡൻ, സുനക്, ഗുട്ടെറസ് എന്നിവരുൾപ്പെടെയുള്ള നേതാക്കൾ രാജ്ഘട്ടിലെ ഗാന്ധിയുടെ സ്മാരകത്തിലെത്തി ആദരാഞ്ജലികൾ അർപ്പിച്ചു.