ആർബിഐ യുടെ മുൻ ഗവർണർ എസ്. വെങ്കിട്ടരമണ അന്തരിച്ചു
Updated: Nov 18, 2023, 14:29 IST
ചെന്നെെ: റിസർവ് ബാങ്ക് ഓഫ് ഇന്ത്യയുടെ മുൻ ഗവർണർ എസ്.വെങ്കിട്ടരമണ അന്തരിച്ചു. ചെന്നൈയിൽ വച്ചായിരുന്നു അന്ത്യം. 92 വയസ്സായിരുന്നു. മക്കളുടെയും കുടുംബത്തിന്റെയുമൊപ്പം ചെന്നൈയിലായിരുന്നു അദ്ദേഹം താമസിച്ചിരുന്നത്. 1990 മുതൽ1992 വരെ രണ്ട് വർഷക്കാലം അദ്ദേഹം ആർബിഐ യുടെ ഗവർണർ ആയി സേവനമനുഷ്ഠിച്ചിരുന്നു. ആർബിഐ യുടെ 18-ാമത് ഗവർണറായിരുന്നു അദ്ദേഹം. 1985 മുതൽ1989 വരെ അദ്ദേഹം കേന്ദ്ര ധനമന്ത്രാലയത്തിൽ ധനകാര്യ സെക്രട്ടറിയായും സേവനമനുഷ്ഠിച്ചിരുന്നു. ആർബിഐ ഗവർണർ സ്ഥാനത്ത് എത്തുന്നതിന് മുൻപേ അദ്ദേഹം ഇന്ത്യൻ അഡ്മിനിസ്ട്രറ്റീവ് സർവീസിൽ ആയിരുന്നപ്പോൾ കർണ്ണാടക ഗവൺമെന്റിന്റെ അഡ്വൈസറായും ഫിനാൻസ് സെക്രട്ടറിയായും പ്രവർത്തിച്ചു.