ദളിത് പെൺകുട്ടിയെ കൂട്ടമാനഭംഗത്തിനിരയാക്കി ശേഷം കുടുംബത്തിലെ മൂന്നുപേർക്കൊപ്പം കൊലപ്പെടുത്തി
Nov 26, 2021, 15:48 IST
ലക്നോ: ഉത്തർപ്രദേശിലെ പ്രയാഗ്രാജിൽ ദളിത് പെൺകുട്ടിയെ കൂട്ടലൈംഗീക പീഡനത്തിന് ഇരയാക്കിയ ശേഷം കുടുംബത്തിലെ മറ്റ് മൂന്നു പേർക്കൊപ്പം കൊലപ്പെടുത്തി. പതിനാറുകാരിയെയാണ് ക്രൂരമായി പീഡിപ്പിച്ച ശേഷം കൊലപ്പെടുത്തിയത് .ഉയർന്ന ജാതിയിൽപ്പെട്ടവരെന്ന് അവകാശപ്പെടുന്ന അയൽവാസികളാണ് ആക്രമണം നടത്തിയത്. പെൺകുട്ടിയുടെ 10 വയസുകാരൻ സഹോദരനും മാതാപിതാക്കളും കൊല്ലപ്പെട്ടു. സംഭവത്തിൽ അയൽവാസികളായ 11 പേർക്കെതിരെ പോലീസ് കേസെടുത്തിട്ടുണ്ട് . കൂട്ടമാനഭംഗം, കൊലപാതകം എന്നീ കുറ്റങ്ങൾ ചുമത്തിയാണ് കേസെടുത്തിരിക്കുന്നത്.