വ്യാജ സ്വർണക്കടത്ത്; അസമിൽ 5 പേർ അറസ്റ്റിൽ
May 27, 2023, 08:06 IST
വ്യാജ സ്വർണക്കടത്തുമായി ബന്ധപ്പെട്ട് അസമിൽ 5 പേർ അറസ്റ്റിൽ. യേശു ക്രിസ്തുവിൻ്റെ വ്യാജ സ്വർണ പ്രതിമയും വ്യാജ സ്വർണ ബിസ്കറ്റുകളും ഇവരിൽ നിന്ന് പിടിച്ചെടുത്തു. അസമിലെ നഗാവോണിലും സോണിത്പൂറിലും നടത്തിയ പരിശോധനകളിലാണ് അറസ്റ്റ്. വെള്ളിയാഴ്ചയാണ് ഇവരെ അറസ്റ്റ് ചെയ്തത്.
നഗാവോണിൽ നടത്തിയ പരിശോധനയിൽ 3 പേരെ പിടികൂടി. ഇവരിൽ നിന്നാണ് യേശുവിൻ്റെ 1.7 കിലോ തൂക്കമുള്ള വ്യാജ സ്വർണ പ്രതിമ പിടികൂടിയത്. സോണിത്പൂറിൽ നടത്തിയ പരിശോധനയിൽ രണ്ട് പേരെ അറസ്റ്റ് ചെയ്തു. ഇവരിൽ നിന്ന് ഒരു വ്യാജ ഗോൾഡ് ബിസ്കറ്റ് പിടികൂടി.