നരേന്ദ്ര മോദി സർക്കാരിനെതിരേ രൂക്ഷ വിമർശനവുമായി ബിജെപി എംപി സുബ്രഹ്മണ്യൻ സ്വാമി
Nov 25, 2021, 11:27 IST
ന്യൂഡൽഹി: നരേന്ദ്ര മോദി സർക്കാരിനെതിരേ രൂക്ഷ വിമർശനവുമായി രംഗത്ത് എത്തിയിരിക്കുകയാണ് ബിജെപിയുടെ രാജ്യസഭാ എംപി സുബ്രഹ്മണ്യൻ സ്വാമി. ഭരണത്തിന്റെ എല്ലാ മേഖലകളിലും മോദി സർക്കാർ പരാജയപ്പെട്ടുവെന്നാണ് സ്വാമി ട്വിറ്ററിൽ കുറിച്ചത്. പശ്ചിമബംഗാൾ മുഖ്യമന്ത്രിയും തൃണമൂൽ കോൺഗ്രസ് നേതാവുമായ മമത ബാനർജിയുമായുള്ള കൂടിക്കാഴ്ചക്ക് പിന്നാലെയാണ് സ്വാമിയുടെ രൂക്ഷ വിമർശനം.കൂടാതെ സമ്പദ് വ്യവസ്ഥയിലും അതിർത്തി സുരക്ഷയിലും മോദി സർക്കാർ തികഞ്ഞ പരാജയമാണെന്നാണ് അദ്ദേഹം പറഞ്ഞത്. അഫ്ഗാനിസ്ഥാൻ പ്രതിസന്ധി കൈകാര്യം ചെയ്യുന്നതിനെ "പരാജയം' എന്നാണ് അദ്ദേഹം വിശേഷിപ്പിച്ചത്. പെഗാസസ് ഡാറ്റ സുരക്ഷാ ലംഘനത്തിന് മോദി സർക്കാരിനെ സ്വാമി കുറ്റപ്പെടുത്തുകയും ചെയ്തു.