മൊബൈൽ ഫോണിൽ 'പബ്​ജി' കളിച്ച് കൊണ്ട്​ പ്രഭാത സവാരിക്കിറങ്ങിയ കൗമാരക്കാർ ട്രെയിൻ തട്ടി മരിച്ചു

news
 ഉത്തർപ്രദേശ് : മൊബൈൽ ഫോണിൽ 'പബ്​ജി' കളിച്ച് കൊണ്ട്​ പ്രഭാത സവാരിക്കിറങ്ങിയ കൗമാരക്കാരാണ്​ ട്രെയിന്‍ കയറി മരിച്ചു ​. സിംഗിൾ ട്രാക്കിലുടെയെത്തിയ ഗുഡ്​സ്​ ​ട്രെയിനാണ്​ ഇരുവരുടെയും ദേഹത്ത്​ കയറിയത്​. ഉത്തര്‍പ്രദേശിലെ മഥുരയിലാണ്​ സംഭവം.രാവിലെ ഏഴു മണിയോടെയാണ്​ നാട്ടുകാർ റെയിൽവെ ട്രാക്കിൽ ചിതറിയ രണ്ട്​ മൃതദേഹങ്ങൾ കണ്ടെത്തിയത് ​. തെറിച്ചു കിടക്കുന്ന രണ്ട്​ മൊബൈൽ ഫോണുകളിൽ ഒന്ന്​ തകർന്നിരുന്നു. മറ്റൊന്നിൽ അപ്പോഴും 'പബ്​ജി' ഗെയിം പ്രവർത്തിക്കുന്നുണ്ടായിരുന്നു. അധികൃതരെത്തി മൃതദേഹം ആശുപത്രിയിലേക്ക്​ മാറ്റിയതിന്​ ശേഷമാണ്​ രണ്ടു മൃതദേഹങ്ങളും തിരിച്ചറിഞ്ഞത്​. 14 വയസുകാരായ രണ്ട്​ പത്താം ക്ലാസ്​ വിദ്യാർഥികളുടെ മൃതദേഹങ്ങളായിരുന്നു അത്​.അയൽവാസികളായ കപില്‍ കുമാറും ഗൗരവ്​ കുമാറുമാണ്​ അപകടത്തിൽ പെട്ടത്​. രണ്ട് പേരും പത്താം ക്ലാസ് വിദ്യാര്‍ഥികളാണ്.രാവിലെ നടക്കാനിറങ്ങിയ രണ്ട് പേരും ഗെയിം കളിച്ച് കൊണ്ട് പാളത്തിലൂടെ നടന്നതിനാല്‍ ട്രെയിന്‍ വന്നത് ശ്രദ്ധിക്കാതെ അപകടത്തില്‍ പെട്ടതാകാമെന്നാണ് ജമുന പാര്‍ പൊലീസ് സ്റ്റേഷനിലെ സ്റ്റേഷന്‍ ഹൗസ് ഓഫീസര്‍ പറയുന്നത്.

Share this story