പുല്ലരിയാൻ പോയ 55കാരിയെ തട്ടിക്കൊണ്ടുപോയി കൂട്ടബലാത്സംഗത്തിന് ഇരയാക്കി
Oct 11, 2021, 11:54 IST
ലഖ്നോ: ഉത്തര്പ്രദേശില് 55കാരിയെ തട്ടിക്കൊണ്ടുപോയി കൂട്ടബലാത്സംഗത്തിന് ഇരയാക്കി. ഗ്രേറ്റര് നോയിഡയിലെ ജേവര് പൊലീസ് സ്റ്റേഷന് പരിധിയിലെ വനമേഖലയിലാണ് സംഭവം. രാവിലെ 10 മണിയോടെ വയലില് പുല്ലരിയാന് പോയതായിരുന്നു സ്ത്രീ. അവിടെ നിന്ന് ഇവരെ നാലുപേര് ചേര്ന്ന് കാട്ടിലേക്ക് ബലംപ്രയോഗിച്ച് വലിച്ചു പിഴച്ചു കൊണ്ട് പോകുകയും കൂട്ടബലാത്സംഗം ചെയ്യുകയുമായിരുന്നു. അവിടെനിന്ന് രക്ഷപ്പെട്ട സ്ത്രീ ഉടന് തന്നെ വീട്ടിലെത്തി ബന്ധുക്കളെ വിവരം അറിയിച്ചു. ബന്ധുക്കള് തുടര്ന്ന് പൊലീസില് പരാതി നല്കുകയായിരുന്നു.പ്രതികളിലൊരാള് ഗ്രാമത്തിലെ തന്നെയാളാണെന്ന് സ്ത്രീയുടെ മൊഴിയില് പറയുന്നു.സംഭവത്തില് കേസ് രജിസ്റ്റര് ചെയ്തതായും പ്രതികളെ ഉടന് പിടികൂടുമെന്നും പൊലീസ് അറിയിച്ചു.