ആലപ്പുഴ: കഞ്ഞിക്കുഴിയിലെ വനസ്വര്ഗത്തെ ചില്ഡ്രന്സ് ഹോമില് നിന്ന് മൂന്ന് കുട്ടികളെ കാണാതായ സംഭവത്തിൽ രണ്ട് പേരെ കണ്ടെത്തി. കണ്ടെത്തിയത് അഭിമന്യു, അപ്പു എന്നീ കുട്ടികളെയാണ്.
കാണാതായ അഭിഷേക് എന്ന കുട്ടിയെ കണ്ടെത്താനായിട്ടില്ല. ചെങ്ങന്നൂര് പൊലീസാണ് ഇവരെ കണ്ടെത്തിയത്. ഇന്നലെ വൈകിട്ട് മുതലാണ് ശിശു ക്ഷേമ സമിതിയുടെ കഞ്ഞിക്കുഴിയിലെ ഹോപ് ചില്ഡ്രന്സ് ഹോമില് നിന്ന് കുട്ടികളെ കാണാതാവുന്നത്.
അവധി ദിവസമായിരുന്ന ഇന്നലെ വൈകീട്ട് നാലു മണിയോടെ പുറത്തേക്ക് പോയ കുട്ടികള് പിന്നീട് മടങ്ങി വരാതെ ഇരിക്കുകയായിരുന്നു. തുടർന്ന് അധികൃതർ കുട്ടികളെ കാണാനില്ലെന്ന് പോലീസിൽ പരാതി നൽകുകയും, അന്വേഷണം ആരംഭിക്കുകയുമായിരുന്നു. എന്നാൽ കുട്ടികളെ കണ്ടെത്താനായിരുന്നില്ല.
ചെങ്ങന്നൂരിൽ നിന്നാണ് 2 പേരെ കണ്ടെത്തിയത്. ഇനിയും ഒരാളെക്കൂടി കണ്ടുപിടിക്കാനുണ്ട്. കുറ്റിക്കായുള്ള അന്വേഷണം പുരോഗമിക്കുകയാണ്.