പ്രസവത്തെ തുടർന്ന് ആദിവാസി യുവതിയും നവജാതശിശുവും മരിച്ചു
Nov 24, 2021, 11:28 IST
പാലക്കാട്: ആദിവാസി യുവതിയും നവജാതശിശുവും മരിച്ചു. അരിവാൾ രോഗത്തിന് ചികിൽസയിലായിരുന്ന അഗളി കൊറവൻകണ്ടി ഊരിലെ തുളസി ബാലകൃഷ്ണനാണ് (23) മരിച്ചത്. നവജാതശിശു ചൊവ്വാഴ്ച പ്രസവത്തോടെ മരിച്ചിരുന്നു. ഗർഭിണിയായതോടെ ഇവർ മരുന്നുകൾ നിർത്തിയിരുന്നതായും ഡോക്ടർമാർ പറഞ്ഞു. തൃശൂർ മെഡിക്കൽ കോളജ് ആശുപത്രിയിൽവച്ചായിരുന്നു അന്ത്യം.