സിപിഐ നേതാവ് ട്രെയിൻ യാത്രയ്ക്കിടെ കുഴഞ്ഞു വീണു മരിച്ചു
Oct 12, 2021, 19:24 IST
ആലപ്പുഴ: സി.പി.ഐ സംസ്ഥാന കൗൺസിൽ അംഗവും, ജനയുഗം കൊച്ചി യൂണിറ്റ് മാനേജരുമായ ആര്യാട് കൈതവളപ്പിൽ എ.ശിവരാജന് (73) അന്തരിച്ചു. തിരുവനന്തപുരത്തു നിന്നും ആലപ്പുഴയിലേയ്ക്കുള്ള ട്രെയിൻ യാത്രക്കിടെ ഓച്ചിറയിൽ വെച്ച് കുഴഞ്ഞു വീഴുകയായിരുന്നു. തുടർന്ന് കായംകുളം താലൂക്ക് ആശുപത്രിയിൽ എത്തിക്കുകയായിരുന്നു. എഐടിയുസി ആലപ്പുഴ ജില്ലാ പ്രസിഡന്റ്, ആലപ്പുഴ അർബൻബാങ്ക് പ്രസിഡന്റ്, ആര്യാട് ഗ്രാമപഞ്ചായത്ത് വൈസ് പ്രസിഡന്റ്, സിപിഐ സംസ്ഥാന എക്സിക്യൂട്ടീവ് അംഗം, സിപിഐ ആലപ്പുഴ ജില്ലാ സെക്രട്ടറി, ബോട്ട് ക്രൂ അസോസിയേഷൻ ജനറൽ സെക്രട്ടറി, റാണി കായൽ പാടശേഖര പ്രസിഡന്റ് എന്നീ നിലകളിൽ പ്രവർത്തിച്ചു.