വീരമൃത്യു വരിച്ച മലയാളി സൈനികന്റെ മൃതദേഹം തിരുവനന്തപുരത്ത് എത്തിച്ചു
Oct 14, 2021, 07:52 IST
തിരുവനന്തപുരം: കാഷ്മീരിലെ പൂഞ്ചിൽ വീരമൃത്യു വരിച്ച മലയാളി സൈനികന് എച്ച്. വൈശാഖിന്റെ മൃതദേഹം ബുധനാഴ്ച രാത്രിയോടെ തിരുവനന്തപുരത്ത് എത്തിച്ചു. മന്ത്രി കെ.എൻ. ബാലഗോപാൽ സംസ്ഥാന സർക്കാരിനായി അന്തിമോപചാരം അർപ്പിച്ചു. പാങ്ങോട് സൈനിക ക്യാമ്പിൽ എത്തിക്കാനായി ജില്ലാ കളക്ടർ, സൈനിക ഉദ്യോഗസ്ഥർ എന്നിവർ ചേർന്ന് മൃതദേഹം ഏറ്റുവാങ്ങി . ഔദ്യോഗിക ബഹുമതികളോടെ കൊല്ലം ഓടനാവട്ടം കുടവട്ടൂരിലെ വീട്ടുവളപ്പില് സംസ്കാരം വ്യാഴാഴ്ച്ച നടക്കും.