ഗവർണർ ആരിഫ് മുഹമ്മദ് ഖാനുമായി സംസ്ഥാന തെരഞ്ഞെടുപ്പ് കമ്മീഷണർ കൂടിക്കാഴ്ച നടത്തി
തിരുവനന്തപുരം: ഗവർണർ ആരിഫ് മുഹമ്മദ് ഖാനുമായി സംസ്ഥാന തെരഞ്ഞെടുപ്പ് കമ്മീഷണർ എ. ഷാജഹാൻ കൂടിക്കാഴ്ച നടത്തി. കൂടിക്കാഴ്ച ഇന്ന് രാജ്ഭവനിലെത്തിയായിരുന്നു. കമ്മീഷൻ കഴിഞ്ഞ ഡിസംബറിൽ തദ്ദേശ സ്ഥാപനങ്ങളിലേക്ക് നടന്ന പൊതു തെരഞ്ഞെടുപ്പിനുശേഷം സ്വീകരിച്ച നടപടികൾ വിശദീകരിക്കുകയും ഇത് സംബന്ധിച്ച് റിപ്പോർട്ട് ഗവർണർക്ക് നൽകുകയും ചെയ്തു. സംസ്ഥാന തെരഞ്ഞെടുപ്പ് കമ്മീഷൻ കേരള ഡിജിറ്റൽ യൂണിവേഴ്സിറ്റിയുമായി തെരഞ്ഞെടുപ്പ് നടപടിക്രമങ്ങൾ ഡിജിറ്റലൈസ് ചെയ്യുന്നതിന് ധാരണാപത്രം ഒപ്പുവച്ചിട്ടുണ്ട്. തെരഞ്ഞെടുപ്പ് കമ്മീഷണർ ഗവർണറുടെ അടുത്ത് വോട്ടെടുപ്പ് രീതി സമ്മതിദായക സഹായകമാക്കുക, തെരഞ്ഞെടുപ്പുമായി ബന്ധപ്പെട്ട സ്ഥിതിവിവര കണക്കുകൾ വിശകലനം ചെയ്ത് തുടർനടപടികൾ സ്വീകരിക്കുക, വോട്ടർപട്ടിക കുറ്റമറ്റതാക്കുക, പോളിംഗ് ഉദ്യോഗസ്ഥരുടെ ജോലി ക്രമീകരണം സാങ്കേതിക വിദ്യയുടെ സഹായത്തോടെ ലളിതമാക്കുക ടങ്ങിയ കാര്യങ്ങൾ വിശദീകരിച്ചു. തദ്ദേശ സ്ഥാപനങ്ങളുടെ വാർഡ് അടിസ്ഥാനത്തിലുള്ള ഡിജിറ്റൽ ഭൂപടം വിവരസാങ്കേതിക വകുപ്പിന്റെയും തദ്ദേശഭരണ വകുപ്പിന്റെയും സഹായത്തോടെ തയാറാക്കുന്ന പ്രക്രിയ നടന്നുവരികയാണ്.