കേരള നിയമസഭ ജനുവരി 7 മുതൽ 13 വരെ സംഘടിപ്പിക്കുന്ന അന്താരാഷ്ട്ര പുസ്തകോത്സവം 4-ാം പതിപ്പിനോടനുബന്ധിച്ച് ജനുവരി 8-ാം തീയതി ഗവൺമെന്റ് സെക്രട്ടേറിയറ്റിലുള്ള പഴയ നിയമസഭാ ഹാളിൽ സ്കൂൾ വിദ്യാർഥികൾക്കായി ‘മാതൃകാ നിയമസഭ’ സംഘടിപ്പിക്കും. സംസ്ഥാനത്തെ സർക്കാർ / എയ്ഡഡ് സ്കൂളുകളിലെ ഹൈസ്കൂൾ/ ഹയർസെക്കന്ററി/ വൊക്കേഷണൽ ഹയർസെക്കന്ററി തലത്തിൽ പഠിക്കുന്ന വിദ്യാർഥികളെ പങ്കെടുപ്പിച്ചുകൊണ്ട് സംഘടിപ്പിക്കുന്ന പ്രസ്തുത പരിപാടിയിൽ ഒരു സ്കൂളിൽ നിന്നും 2 വിദ്യാർഥികൾക്ക് പങ്കെടുക്കാം. വിശദാംശങ്ങൾക്കും രജിസ്ട്രേഷനുമായി www.klibf.niyamasabha.org എന്ന വെബ്സൈറ്റ് സന്ദർശിക്കാം. രജിസ്ട്രേഷൻ നടപടികൾ പൂർത്തിയാക്കേണ്ട അവസാന തീയതി ഡിസംബർ 5 ആണ്. (Book Fest)