10,000 രൂപ പിഴയടച്ചു, റോബിൻ ഇന്നു മുതൽ സർവീസ് പുനരാരംഭിക്കുമെന്ന് ഉടമ 

പെർമിറ്റ് ലംഘിച്ചതിന് കസ്റ്റഡിയിലെടുത്ത റോബിനെ തമിഴ്‌നാട് മോട്ടോർ വാഹന വകുപ്പ് ബസ് ഉടമയ്ക്ക് വിട്ടുകൊടുത്തു. 10,000 രൂപ പിഴയടച്ച ശേഷം അധികൃതർ റോബിനെ ഉടമ ഗിരീഷിന് വിട്ടുകൊടുത്തു. കോയമ്പത്തൂർ സെൻട്രൽ ആർടിഒയാണ് പിഴ ചുമത്തിയത്.ബസ് റിലീസ് ചെയ്യുന്ന സാഹചര്യത്തിൽ ഇന്നു മുതൽ സാധാരണ സർവീസ് ആരംഭിക്കുമെന്നും കോയമ്പത്തൂരിൽ നിന്ന് പത്തനംതിട്ടയിലേക്ക് വൈകിട്ട് സർവീസ് നടത്തുമെന്നും ഉടമ അറിയിച്ചു.

നേരത്തെ സർവീസ് പുനരാരംഭിച്ച ശേഷം വാളയാറിൽ കേരള അതിർത്തി കടന്ന ബസ് തമിഴ്‌നാട് ആർടിഒ കസ്റ്റഡിയിലെടുത്തു. യാത്രക്കാർ ഉൾപ്പെടെയുള്ള ബസാണ് അന്ന് കസ്റ്റഡിയിലെടുത്തത്. യാത്രക്കാർക്കായി മറ്റൊരു ബസ് ഏർപ്പെടുത്തി പിന്നീട് വാളയാറിലെത്തിച്ചു.