നവീകരണത്തിനു പിന്നാലെ റോഡ് താഴ്ന്ന സംഭവം; കൊയിലാണ്ടി- എടവണ്ണ സംസ്ഥാന പാതയിൽ പ്രവൃത്തി ആരംഭിച്ചു

മു​ക്കം: കോ​ടി​ക​ൾ മു​ട​ക്കി ന​ട​ത്തി​യ ന​വീ​ക​ര​ണ പ്ര​വൃ​ത്തി​ക്ക് പി​ന്നാ​ലെ ത​ക​ർ​ന്ന കൊ​യി​ലാ​ണ്ടി- എ​ട​വ​ണ്ണ സം​സ്ഥാ​ന പാ​ത​യി​ൽ പു​ന​ർ​നി​ർ​മാ​ണ പ്ര​വൃ​ത്തി ആ​രം​ഭി​ച്ചു. റോ​ഡ് താ​ഴ്ന്ന ഭാ​ഗ​ങ്ങ​ളി​ൽ പു​ന​ർ​പ്ര​വൃ​ത്തി​ക്കാ​യി റോ​ഡ് പൊ​ളി​ച്ചു​തു​ട​ങ്ങി.

ക​റു​ത്ത​പ​റ​മ്പ് മു​ത​ൽ ഓ​ട​ത്തെ​രു​വ് വ​രെ​യു​ള്ള ഭാ​ഗ​ത്തെ പ്ര​വൃ​ത്തി​യാ​ണ് ആ​രം​ഭി​ച്ച​ത്. മ​ണ്ണു​മാ​ന്തി ഉ​പ​യോ​ഗി​ച്ച് റോ​ഡി​ലെ പു​തി​യ ടാ​റി​ങ് പൂ​ർ​ണ​മാ​യും പൊ​ളി​ച്ചു​മാ​റ്റു​ക​യാ​ണ്. നീ​ലേ​ശ്വ​രം മു​ത​ൽ ഗോ​ത​മ്പ റോ​ഡു​വ​രെ പ​ല സ്ഥ​ല​ങ്ങ​ളി​ലും റോ​ഡ് താ​ഴ്ന്ന നി​ല​യി​ലാ​ണ്.

ഓ​ട​ത്തെ​രു​വ് അ​ങ്ങാ​ടി​യി​ലെ പ്ര​ധാ​ന വ​ള​വി​ലും റോ​ഡ് താ​ഴ്ന്ന​ത് അ​പ​ക​ട​ഭീ​ഷ​ണി ഉ​യ​ർ​ത്തി​യി​രു​ന്നു. ഇ​രു​ച​ക്ര​വാ​ഹ​ന യാ​ത്ര​ക്കാ​ർ​ക്കാ​ണ് ഏ​റ്റ​വു​മ​ധി​കം ഭീ​ഷ​ണി​യു​ള്ള​ത്. റോ​ഡി​ന്റെ താ​ഴ്ന്ന അ​വ​സ്ഥ​മൂ​ലം അ​പ​ക​ട​ങ്ങ​ൾ പ​തി​വാ​ണെ​ന്നും നാ​ട്ടു​കാ​ർ പ​റ​യു​ന്നു.

ക​റു​ത്ത​പ​റ​മ്പി​നും മു​ക്ക​ത്തി​നു​മി​ട​യി​ൽ ഓ​ട​ത്തെ​രു​വി​ൽ 500 മീ​റ്റ​റി​നി​ടെ ഒ​ന്നി​ല​ധി​കം ഭാ​ഗ​ങ്ങ​ളി​ൽ റോ​ഡ് ഒ​രി​ഞ്ചോ​ളം താ​ഴ്ന്നു​പോ​യി​ട്ടു​ണ്ട്. ക​രാ​ർ ക​മ്പ​നി​യു​ടെ സൈ​റ്റ് ഓ​ഫി​സി​ന് തൊ​ട്ടു​മു​ന്നി​ൽ ത​ന്നെ റോ​ഡ് താ​ഴ്ന്നു​പോ​യി​രു​ന്നു. റോ​ഡ് താ​ഴ്ന്നു​പോ​യ​തു​മൂ​ലം ട്രാ​ഫി​ക് ലൈ​ൻ മാ​ർ​ക്കി​ങ്ങി​ലും വ്യ​ത്യാ​സം വ​ന്നി​ട്ടു​ണ്ട്. റീ​ബി​ൽ​ഡ് കേ​ര​ള പ​ദ്ധ​തി​യി​ൽ ഉ​ൾ​പ്പെ​ടു​ത്തി 222 കോ​ടി രൂ​പ ചെ​ല​വി​ലാ​ണ് ന​വീ​ക​ര​ണം ന​ട​ക്കു​ന്ന​ത്.