കണ്ണൂർ: കണ്ണൂർ സെൻട്രൽ ജയിലിൽ റിമാൻഡിൽ കഴിയുകയായിരുന്ന പ്രതി ജീവനൊടുക്കി. വയനാട് കേണിച്ചിറ സ്വദേശിയായ ജിൽസൺ (55) ആണ് മരിച്ചത്. കത്തികൊണ്ട് കഴുത്തറുത്ത നിലയിലാണ് ഇയാളെ കണ്ടെത്തിയത്.(Remanded suspect commits suicide in Kannur Central Jail)
ഭാര്യയെ കൊലപ്പെടുത്തിയ കേസിലാണ് ജിൽസൺ റിമാൻഡിലായത്. ജിൽസൺ മുൻപും ആത്മഹത്യാശ്രമം നടത്തിയിരുന്നതായി ജയിൽ അധികൃതർ അറിയിച്ചു.
ഇതിനെത്തുടർന്ന് ഇയാൾക്ക് കൗൺസിലിംഗ് ഉൾപ്പെടെയുള്ള സഹായങ്ങൾ നൽകിയിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.