തിരുവനന്തപുരം: കോൺഗ്രസ് എം.എൽ.എ. രാഹുൽ മാങ്കൂട്ടത്തിലിനെതിരെ ഇപ്പോൾ കേസെടുത്തത് സി.പി.എമ്മും കോൺഗ്രസും തമ്മിലുള്ള രാഷ്ട്രീയ കൂട്ടുകെട്ടിന്റെ തന്ത്രമാണെന്ന് ബി.ജെ.പി. സംസ്ഥാന പ്രസിഡന്റ് രാജീവ് ചന്ദ്രശേഖർ ആരോപിച്ചു. ശബരിമല സ്വർണ്ണക്കൊള്ള മറച്ചുവെക്കാനാണ് ഉപതിരഞ്ഞെടുപ്പിന് പത്ത് ദിവസം മുമ്പ് സർക്കാർ കേസെടുത്തതെന്നും അദ്ദേഹം കുറ്റപ്പെടുത്തി.(Rahul Mamkootathil case is a political strategy of CPM-Congress alliance, Rajeev Chandrasekhar)
"സ്വർണ്ണക്കൊള്ള മറച്ചുവെക്കാനാണ് തിരഞ്ഞെടുപ്പിന് മുമ്പ് സർക്കാർ കേസെടുത്തത്. രാഹുൽ മാങ്കൂട്ടത്തിലിനെതിരെ ഇപ്പോൾ കേസ് എടുത്തത് സി.പി.എം.-കോൺഗ്രസ് കൂട്ടുകെട്ടിന്റെ രാഷ്ട്രീയ തന്ത്രമാണ്," രാജീവ് ചന്ദ്രശേഖർ പറഞ്ഞു. രാഹുൽ മാങ്കൂട്ടത്തിൽ ഒരു 'റീൽ രാഷ്ട്രീയക്കാരനാണ്' എന്നും അദ്ദേഹം പരിഹസിച്ചു.
ഉപതിരഞ്ഞെടുപ്പിന് മുൻപ് തന്നെ രാഹുലിനെതിരെ ആരോപണം ഉണ്ടായിരുന്നു. എന്നിട്ടും രാഹുലിനെ പാലക്കാട് ജനങ്ങളുടെ തലയിൽ കെട്ടിവെച്ചുവെന്നും അദ്ദേഹം കൂട്ടിച്ചേർത്തു. കോൺഗ്രസ് നേതാക്കൾ രാഹുൽ വിഷയത്തിൽ രണ്ട് തരം നിലപാടുകൾ സ്വീകരിക്കുന്നതിനെതിരെയും ബി.ജെ.പി. വിമർശനം ഉയർത്തി.