പോപുലര്‍ ഫിനാന്‍സ് സാമ്പത്തിക തട്ടിപ്പ്: അന്വേഷണത്തിനായി പ്രത്യേക സംഘം
Sun, 19 Mar 2023
കൊല്ലം: പോപുലര്‍ ഫിനാന്‍സ് സാമ്പത്തിക തട്ടിപ്പ് അന്വേഷണത്തിനായി സ്പെഷല്‍ ഇന്‍വെസ്റ്റിഗേഷന്‍ ടീമിനെ നിയോഗിച്ചതായി എന്‍.കെ. പ്രേമചന്ദ്രന്‍ എം.പി അറിയിച്ചു. കേരള ഹൈകോടതിയുടെ നിർദേശപ്രകാരം സംസ്ഥാന സര്‍ക്കാറിന്‍റെകൂടി സഹകരണത്തോടെയാണ് നിയമപരമായ നടപടികള്‍ സ്വീകരിക്കുന്നത്. സാമ്പത്തിക തട്ടിപ്പ് സംബന്ധിച്ച് അന്വേഷണം കാര്യക്ഷമമാക്കണമെന്നാവശ്യപ്പെട്ട് എം.പി നല്‍കിയ കത്തിന് കേന്ദ്ര ധനകാര്യ സഹമന്ത്രി ഡോ. ഭഗവത് കാരാട് രേഖാമൂലം നല്‍കിയ മറുപടിയിലാണ് വിവരം അറിയിച്ചത്. പോപുലര്‍ ഫിനാൻസിന്‍റെ മറ്റു പ്രവര്‍ത്തനങ്ങളെക്കുറിച്ചും അന്വേഷണം നടത്തിവരികയാണ്. സാമ്പത്തിക തട്ടിപ്പിനെ സംബന്ധിച്ച് ഉയര്‍ന്നിട്ടുള്ള ആശങ്കകള്‍ അകറ്റാന്‍ കാര്യക്ഷമമായ അന്വേഷണം നടന്നുവരികയാണെന്നും കേന്ദ്രമന്ത്രി അറിയിച്ചു.