മധ്യവയസ്കയെ പീഡിപ്പിച്ച് ദൃശ്യങ്ങള് പ്രചരിപ്പിച്ചു ; യുവാവ് പിടിയില്
Oct 14, 2021, 13:38 IST
അഞ്ചാലുംമൂട്: മധ്യവയസ്കയെ വിവാഹവാഗ്ദാനം നല്കി പീഡിപ്പിച്ച സംഭവത്തില് പ്രതിയായ യുവാവിനെ പോലീസ് അറസ്റ്റ് ചെയ്തു . പെരുമണ് സ്കൂളിന് വടക്ക് സുരേഷ് ഭവനത്തില് വാടകക്ക് താമസിക്കുന്ന പ്രദീപ് ഡി. നായര് (44) ആണ് അഞ്ചാലുംമൂട് പോലീസ് അറസ്റ്റ് ചെയ്തത്.സാമൂഹ മാധ്യമത്തിലൂടെ പരിചയപ്പെട്ട തിരുവനന്തപുരം സ്വദേശിനിയായ 53കാരിയെ വിവാഹ വാഗ്ദാനം നല്കി പനയെത്തത്തിച്ച് പീഡിപ്പിച്ചശേഷം ദൃശ്യങ്ങള് മൊബൈലില് പകര്ത്തി. തുടർന്ന് ഈ ദൃശ്യങ്ങള് പ്രചരിപ്പിക്കുമെന്ന് പറഞ്ഞ് സ്ത്രീയെ ഇയാള് തിരികെ അയച്ചു. തുടര്ന്ന് ദൃശ്യങ്ങള് പ്രദീപ് സമൂഹ മാധ്യമത്തിലൂടെ പങ്കുവെക്കുകയും ചെയ്തു. സ്ത്രീയുടെ പരാതിയുടെ അടിസ്ഥാനത്തില് അഞ്ചാലുംമൂട് പൊലീസ് കേസെടുത്ത് അന്വേഷണം നടത്തിയതിനെതുടര്ന്നാണ് അറസ്റ്റ്.