ബിഷപ് ഫ്രാങ്കോ മുളയ്ക്കല്‍ പി.സി. ജോർജിനെ സന്ദർശിച്ചു
Jan 15, 2022, 12:31 IST
കോട്ടയം: ജലന്ധര്‍ ബിഷപ് ഫ്രാങ്കോ മുളയ്ക്കല്‍ പൂഞ്ഞാര്‍ മുന്‍ എംഎല്‍എ പി.സി ജോര്‍ജിനെ സന്ദര്‍ശിച്ചു. പി.സി. ജോര്‍ജിന്‍റെ ഈരാറ്റുപേട്ടയിലെ വസതിയിലെത്തിയാണ് അദ്ദേഹം സന്ദര്‍ശനം നടത്തിയിരിക്കുന്നത് .ഇന്ന് രാവിലെ തൃശൂരില്‍ നിന്നുമാണ് ബിഷപ് എത്തിയത്. പി.സി. ജോര്‍ജും ഭാര്യയും മകന്‍ ഷോണ്‍ ജോര്‍ജുമാണ് അദ്ദേഹത്തെ സ്വീകരിച്ചത്.അതെസമയം കേസിൽ നിന്നും കുറ്റവിമുക്തനാക്കിയതിന് പിന്നാലെ തന്നെ പിന്തുണച്ച എല്ലാവരോടും ബിഷപ്പ് നന്ദി അറിയിച്ചിരുന്നു. ഇതിന്‍റെ ഭാഗമായാണ് അദ്ദേഹം പി.സി. ജോർജിനെ കാണാനായി നേരിട്ടെത്തിയത്.