നവവധുവിന്റെ ആത്മഹത്യ: ഭർത്താവിന് ഹൈകോടതിയും മുൻകൂർ ജാമ്യം നിഷേധിച്ചു

ത​ല​ശ്ശേ​രി: വി​വാ​ഹം ക​ഴി​ഞ്ഞ് ര​ണ്ട് മാ​സം തി​ക​യും മു​മ്പേ ന​വ​വ​ധു ഭ​ർ​തൃ​വീ​ട്ടി​ൽ തൂങ്ങിമരിച്ച സം​ഭ​വ​ത്തി​ൽ ഭ​ർ​ത്താ​വി​ന് ഹൈ​കോ​ട​തി​യും മു​ൻ​കൂ​ർ ജാ​മ്യം നി​ഷേ​ധി​ച്ചു. ഒ​ളി​വി​ൽ ക​ഴി​യ​വേ ക​തി​രൂ​ർ നാ​ലാം മൈ​ലി​ന​ടു​ത്ത മാ​ധ​വി നി​ല​യ​ത്തി​ൽ സ​ച്ചി​ൻ (31) സ​മ​ർ​പ്പി​ച്ച ഹർജിയാണ് ഹൈ​കോ​ട​തി ത​ള്ളി​യ​ത്. നേ​ര​ത്തെ ത​ല​ശ്ശേ​രി ജി​ല്ല സെ​ഷ​ൻ​സ് കോ​ട​തി​യും ഇ​യാ​ളു​ടെ ജാ​മ്യാ​പേ​ക്ഷ നി​ര​സി​ച്ചി​രു​ന്നു.

ക​ഴി​ഞ്ഞ ജൂ​ൺ 12 നാ​ണ് സ​ച്ചി​ന്റെ ഭാ​ര്യ പി​ണ​റാ​യി പ​ട​ന്ന​ക്ക​ര​യി​ലെ സൗ​പ​ർ​ണി​ക​യി​ൽ മേ​ഘ (28), ഭ​ർ​തൃ​വീ​ടി​ന്റെ മു​ക​ൾ നി​ല​യി​ൽ തൂ​ങ്ങി​മ​രി​ച്ച​ത്. സ​ച്ചി​ന്റെ ശാ​രീ​രി​ക​വും മാ​ന​സീ​ക​വു​മാ​യ പീ​ഡ​നം സ​ഹി​ക്ക​വ​യ്യാ​തെ​യാ​ണ് മ​ക​ൾ ആ​ത്മ​ഹ​ത്യ ചെ​യ്തതെന്ന് മാ​താ​പി​താ​ക്ക​ൾ പ​രാ​തി​പ്പെ​ട്ടി​രു​ന്നു. തു​ട​ർ​ന്ന് ക​തി​രൂ​ർ പൊ​ലീ​സ് സ​ച്ചി​നെ​തി​രെ ആ​ത്മ​ഹ​ത്യാ​പ്രേ​ര​ണാ​കു​റ്റ​ത്തി​ന് കേ​സെ​ടു​ത്തി​രു​ന്നു. പോ​സ്റ്റു​മോ​ർ​ട്ടം റി​പ്പോ​ർ​ട്ടി​ൽ മേ​ഘ​യു​ടെ ശ​രീ​ര​ത്തി​ൽ മ​ർ​ദ​ന​മേ​റ്റ നി​ര​വ​ധി പാ​ടു​ക​ൾ ഉ​ണ്ടെ​ന്ന് രേ​ഖ​പ്പെ​ടു​ത്തി​യ​തും മേ​ഘ​യു​ടെ സു​ഹൃ​ത്തി​ന്റെ മൊ​ഴി​യും വാ​ദി​ക്ക് വേ​ണ്ടി ഹാ​ജ​രാ​യ അ​ഡ്വ. ഗാ​യ​ത്രി കൃ​ഷ്ണ​ൻ ഹൈ​കോ​ട​തി മു​മ്പാ​കെ എ​ത്തി​ച്ചി​രു​ന്നു. ക​ഴി​ഞ്ഞ ഏ​പ്രി​ൽ ര​ണ്ടി​നാ​ണ് ഏ​ഴ് വ​ർ​ഷ​ത്തെ പ്ര​ണ​യ​ത്തി​ന് ശേഷം  സ​ച്ചി​നും മേ​ഘ​യും വി​വാ​ഹി​ത​രാ​യ​ത്.