നവകേരള സദസ്; വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് കോഴിക്കോട് കളക്ടർ
Nov 21, 2023, 20:02 IST
കോഴിക്കോട്: നവകേരള സദസ് നടക്കുന്ന കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. ജില്ലാ കളക്ടർ സ്നേഹിൽ കുമാർ സിംഗ് ആണ് അവധി പ്രഖ്യാപിച്ചത്. നവകേരള സദസിന് വേദികളായി നിശ്ചയിച്ച വിദ്യാഭ്യാസ സ്ഥാപനങ്ങൾക്കും അവധി ബാധകമാണ്. നവംബർ 24ന് പേരാമ്പ്ര ഹയർ സെക്കൻഡറി സ്കൂളിനും മേമുണ്ട എച്ച്എസ്എസിനും 25 ന് ബാലുശേരി ജിഎച്ച്എസ്എസിനും നന്മണ്ട എച്ച്എസ്എസിനും 26ന് കുന്ദമംഗലം എച്ച്എസ്എസിനും കെഎംഒ ഹയർ സെക്കൻഡറി സ്കൂളിനുമാണ് അവധി പ്രഖ്യാപിച്ചിരിക്കുന്നത്.