ആലപ്പുഴ: പ്രസിദ്ധമായ മണ്ണാറശാല ശ്രീ നാഗരാജ ക്ഷേത്രത്തിലെ തുലാമാസ ആയില്യം മഹോത്സവം ഇന്ന് (ബുധനാഴ്ച) നടക്കും. ഉത്സവത്തിന്റെ ഭാഗമായി ആലപ്പുഴ ജില്ലയിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും പ്രാദേശിക അവധി പ്രഖ്യാപിച്ചിട്ടുണ്ട്.(Local holiday in Alappuzha district today)
പൊതുപരീക്ഷകൾ ഒഴികെയുള്ള എല്ലാ വിദ്യാഭ്യാസ സ്ഥാപനങ്ങൾക്കും സർക്കാർ ഓഫീസുകൾക്കുമാണ് ഇന്ന് അവധി പ്രഖ്യാപിച്ചിട്ടുള്ളത്. ഉത്സവത്തോടനുബന്ധിച്ചുള്ള ആയില്യം പൂജയും എഴുന്നള്ളത്തും ഇന്ന് നടക്കും.
ആയില്യം നാളിൽ വാസുകി ഭാവത്തിലുള്ള തിരുവാഭരണമാണ് നാഗരാജാവിന് ചാർത്തുന്നത്. രാവിലെ 9 മണി മുതൽ ഇല്ലത്തെ നിലവറയ്ക്ക് സമീപം വലിയമ്മ സാവിത്രി അന്തർജനം ഭക്തജനങ്ങൾക്കായി ദർശനം നൽകും.