തിരുവനന്തപുരം : രാഹുല് ഈശ്വർ ജയിലില് നടത്തുന്ന നിരാഹാരസമരത്തിൽ പ്രതികരിച്ച് വിദ്യാഭ്യാസ മന്ത്രി വി. ശിവന്കുട്ടി.രാഹുല് ഈശ്വര് പട്ടിണി കിടന്നാല് ഇവിടെ ആര്ക്കും ഒരു ചേതവുമില്ല.രാഹുല് ഈശ്വറിന് സ്വന്തം കുടുംബത്തിലെ ഒരു പെണ്കുട്ടിക്ക് ഇങ്ങനെ അനുഭവമുണ്ടായാലേ മനസിലാകൂവെന്ന് മന്ത്രി പറഞ്ഞു.
രാഹുൽ ശാരീരിക ബുദ്ധിമുട്ടുകള് അനുഭവിക്കും എന്നല്ലാതെ ആര്ക്കാണ് പ്രശ്നമെന്നും കക്ഷി രാഷ്ട്രീയത്തിന് അതീതമായി ആരും രാഹുല് ഈശ്വറിനെ തിരിഞ്ഞുപോലും നോക്കില്ല. രാഹുല് ഈശ്വറിന് സ്വന്തം കുടുംബത്തിലെ ഒരു പെണ്കുട്ടിക്ക് ഇങ്ങനെ അനുഭവമുണ്ടായാലേ മനസിലാകൂ.മഹാത്മാഗാന്ധി പണ്ട് ജയിലില് നിരാഹാരം കിടന്നിട്ടുണ്ട്. മൊട്ടുസൂചിയുടെ ഉപകാരമുളളതിനാണ് നിരാഹാരമെങ്കില് ജനങ്ങള് തിരിഞ്ഞുനോക്കും. ഇത് പീഡനവീരനെ ന്യായീകരിച്ചതിനല്ലേ. ഇരയെ തകര്ക്കുന്ന കാപാലികനാണ് രാഹുല് ഈശ്വര് എന്ന് വിദ്യാഭ്യാസ മന്ത്രി പറഞ്ഞു.