കാറിന്റെ മിററില്‍ തട്ടി; പകരം കാറിലുണ്ടായിരുന്ന യാത്രക്കാർ കെഎസ്ആര്‍ടിസി ബസിന്റെ ഹെഡ്‌ലൈറ്റ് അടിച്ചു തകര്‍ത്തു
Nov 21, 2023, 21:19 IST
കോട്ടയം: കോട്ടയം കോടിമാതയില്‍ നാലുവരി പാതയില്‍ കാറില്‍ എത്തിയ സ്ത്രീകള്‍ കെഎസ്ആര്‍ടിസി ബസിന്റെ ഹെഡ് ലൈറ്റ് അടിച്ചു തകര്‍ത്തു. ബസ് ഓവര്‍ടേക്ക് ചെയ്തപ്പോള്‍ കാറിന്റെ മിററില്‍ തട്ടിയിരുന്നു. ഇതിന് പിന്നാലെയാണ് കാറില്‍ നിന്നും ലിവര്‍ എടുത്ത ശേഷം സ്ത്രീകള്‍ ബസിന്റെ ഹെഡ്‌ലൈറ്റ് അടിച്ചു തകര്‍ക്കുകയായിരുന്നു. തിരുവനന്തപുരത്തുനിന്ന് മലപ്പുറത്തേക്ക് പോയ ബസ്സിനു നേരെയാണ് അക്രമം. അക്രമം നടത്തിയ ശേഷം സ്ത്രീകള്‍ കാറില്‍ കയറി രക്ഷപ്പെട്ടു. ആലപ്പുഴ രജിസ്‌ട്രേഷന്‍ കാറിലാണ് ഇവര്‍ സഞ്ചരിച്ചിരുന്നത്.